O Concelleiro de Servizos Xerais, Francisco Fraga, anunciou que dende hoxe ponse en marcha unha campaña de Nadal para promocionar as compras na Praza e Mercado de Abastos. Desta maneira, o Concello distribuíu 3.500 tiquets de aparcamento entre os praceiros para que repartan ao longo deste días entre os seus clientes. Desta maneira, as persoas que merquen nestes establecementos poderán ter ata 20 minutos gratis de estacionamento no aparcamento da Praza do Ferrol ata o día 6 de xaneiro, data na que remata o uso destes tiquets.

As obras comezarán de inmediato e estarán rematadas no mes de maio. Suporán a renovación completa deste vial, principal acceso dende o Ceao ao novo Polígono Industrial das Gándaras

A Concellería de Infraestruturas, que dirixe a nacionalista Paz Abraira, adxudicou hoxe as obras de renovación da segunda fase da rúa da Industria, un dos principais viais do Polígono do Ceao. A esta obra presentáronse un total de 39 empresas, segundo explicou hoxe Paz Abraira.

O Alcalde, José López Orozco, anunciou no acto de apertura da Noite Aberta que o Concello de Lugo vén de ser galardoado co Premio Nacional de Comercio Interior 2011 na súa modalidade de Concellos, que concede o Ministerio de Industria, Turismo e Comercio.

A concesión deste premio foille comunicada hoxe ó Alcalde pola Directora Xeral de Comercio Interior. Este galardón recoñece o labor do Plan Urban na dinamización do comercio do Casco histórico de Lugo.

A Concellería de Benestar Social, Igualdade e Xuventude informa que dende o luns 19 se abre o prazo para matricularse nas actividades de Aulas Abertas deste Nadal. Estas desenvolveranse os días 26,27,28,29,30 de decembro e o 2,3,4, e 5 de xaneiro en horario de 09:00 horas a 14.00 horas. Esta actividade dirixida a nenos e nenas de 4 a 12 anos terá lugar nos centros de convivencia da A Milagrosa, do Sagrado Corazón, de Fingoi, de Lamas de Prado, no María Balteira e no Uxío Novoneyra.