O Alcalde de Lugo, José López Orozco, participou nun encontro empresarial promovido por hostaleiros e empresarios coruñeses, encabezados polo Alcalde da Coruña, Carlos Negreira, e que se celebrou na sede da Confederación de Empresario de Lugo. No acto informaron sobre os servizos e proxección do aeroporto de Alvedro e inscríbese dentro dunha campaña divulgativa da infraestrutura.
O voceiro socialista e concelleiro de Urbanismo, Luis Álvarez, informou hoxe do comezo da mudanza de servizos instalados na actualidade no edificio do Vello Cárcere. Este mes comezarán as obras da primeira fase do proxecto para rehabilitar o Vello Cárcere. O edificio, ocupado na actualidade pola Policía Local e Protección Civil, transformarase nun Centro cultural, financiado polo Plan Urban.
O Concelleiro de Servizos Xerais, Francisco Fraga, e Antonio Abeledo, membro da Asociación Carballeira de Nadela, presentaron o programa da Feira do Entroido de Nadela 2012, e que se desenvolverá este domingo 12 de febreiro.
A feira dará comezo ás 9.00 horas coa asignación de postos e venda dos produtos. Segundo se anunciou agárdase que participen os mesmos ou algún máis que no ano 2011, que se chegaron aos 120 postos. Ás 12.00 farase entrega dun obsequio aos vendedores asistentes a feira.
A Concelleira de Economía, Emprendemento e Autónomos, Sonia Méndez, e o Coordinador de Institucións do BBVA en Lugo, Manuel Otero, asinaron un convenio que permitirá a todos os lucenses pagar os seus recibos nas oficinas desta entidade.
O tenente alcalde, Antón Bao, anuncia que o Concello analizará unha por unha a utilidade da pertenza a determinadas asociacións turísticas
Unha exposición inaugurada hoxe en Lugo permitirá aos visitantes pasear por unha cidade romana e mesmo recrear os cheiros e ruídos das súas rúas e prazas e adentrarse na vida dunha casa da época, coas súas distintas estancias e utensilios.
A responsable de Infraestruturas defendeu a necesidade dunha maior atención aos barrios periféricos por tratarse dos que máis carencias teñen
O Mercado de Entroido trasládase á Praza de Abastos para dinamizar este espazo e o pregón correrá a cargo de representantes da asociación que mantén viva a tradición do Oso de Salcedo
O Concello dálle un pulo á participación dos nenos e nenas de Lugo coa instalación de buzóns da infancia para que poidan deixar as súas suxerencias segundo anunciou a Concelleira de Servizos Sociais, Ana González Abelleira. Estes buzóns poderanse atopar nas ociotecas municipais do Centro Social Maruja Mallo, do Centro Social Uxío Noveneyra e da ocioteca do Parque da Milagrosa.
Páxinas
- « primeira
- ‹ anterior
- …
- 1337
- 1338
- 1339
- 1340
- 1341
- 1342
- 1343
- 1344
- 1345
- …
- seguinte ›
- última »