A Concellería de Cultura e Turismo celebrará a fin de semana entre o día 10 de maio e o 13 a cuarta edición do Festival Interfolk, que pretende converter a Lugo nun lugar de encontro de culturas do Camiño Primitivo.

Esta cuarta edición, que se volverá celebrar na praza de Santa María durante catro días con concertos a partir das dez da noite, reúne este ano a catro grandes artistas recoñecidos e coñecidos e aplaudidos en todo o panorama artístico.

A Mostra de Teatro Cidade de Lugo finaliza este martes coa representación das dúas últimas obras do programa elaborado por quinto ano consecutivo polo Concello de Lugo, a Universidade de Santiago de Compostela, a Escola de Arte e Lecer e a Plataforma de Grupos de Teatro de Lugo.

Os grupos Pinchacarneiro e Hipócrita Teatro serán os encargados de clausurar no Auditorio esta mostra o día 24 de abril. O primeiro representará a obra de Fernando Arrabal “Pic-nic”, ás 11:30 horas, e o segundo a obra de creación colectiva “Creba-cabezas”, ás 20:30 horas.

O Concello entregou á Armada outra bandeira española en substitución da Bandeira de Combate que lle regalou hai 25 anos.

A Corporación Municipal e a Armada renovaron, por 55º ano consecutivo, os seus vínculos e a tradición de render homenaxe á Virxe da Esperanza -patroa da Armada- nos actos oficiais que se desenvolveron pola mañá e que continuarán pola tarde coa participación na procesión do primeiro luns de Semana Santa. Este ano, como novidade, o Concello fixo entrega dunha nova bandeira á Armada en substitución da que lle regalou hai 25 anos.

O Camiño Primitivo, as rutas polo Miño e Santa Eulalia de Bóveda habilitadas polo Concello e o patrimonio arquelolóxico servirán de argumento para unha reportaxe que está a realizar na nosa cidade a revista Wander Magazine. Esta publicación xermana especializada en turismo é a que ten a maior tirada do mercado.