O Alcalde de Lugo, José López Orozco, defendeu hoxe unha xestión do turismo “moderna e profesional” baseándose no asesoramento que recomenda a creación dunha empresa mixta de xestión turística. Trátase, como explicou, dun documento que aconsella a creación dunha empresa mixta na que participen o Concello e a iniciativa privada.
O ciclo de concertos ao aire libre ‘Entre lusco e fusco’, que durante o mes de xullo achegou á cidade luguesa as actuacións de grupos galegos de diferentes estilos, chega ao seu fin este mércores 29 ás 21:00 horas, coa intervención de Nordestiñ@s no Anfiteatro do parque Rosalía de Castro. Esta iniciativa do convenio Lugo Cultural pretendía recuperar zonas naturais como espazo escénico aberto para a música.
A Concelleira de Cultura e Turismo, Concepción Burgo, deu a coñecer hoxe os datos do número de turistas atendidos na Oficina de Turismo Municipal que reflicten un incremento do 25% no mes de xullo con respecto ao mesmo período do ano anterior. Estes datos demostran, tal e como destacou a concelleira, “a consolidación da cidade de Lugo como destino turístico cultural e de calidade”. “O Concello de Lugo seguirá apostando por un sector estratéxico para a cidade”, expresou.
O equipo de Goberno presentou esta mañá o informe sobre a viabilidade da creación dunha sociedade mixta para a xestión do turismo de Lugo aos representantes da Cámara de Comercio de Lugo e da Asociación Provincial de Empresarios de Hostalería.
O concerto do grupo Oh Trío dará continuidade mañá mércores 22 ao programa de verán do Convenio Lugo Cultural, que integra o Concello de Lugo, a Vicerreitoría de Cultura da USC, a Vicepresidencia Primeira da Deputación Provincial, Creación e Difusión Cultural da Xunta de Galicia e a Fundación Caixa Galicia. Co nome de ‘Entre Lusco e Fusco’, celebraranse varias actuacións musicais co obxectivo de recuperar zonas naturais como espazo escénico para a música.
A representación de Quien todo lo quiere... chega a Lugo o vindeiro domingo19 de xullo englobada dentro da programación cultural do Concello de Lugo para os meses do verán. A cita será as 22:00 horas na Praza de Anxo Fernández Gómez.
O Concello de Lugo colabora coa celebración da segunda edición certame internacional de graffiti Style Fighter que se celebrará mañá venres 17 de xullo e o sábado día 18 nas pistas de skate do parque da Milagrosa. Neste recinto os artistas urbanos utilizarán os muros que rodean o Skate Park como base para as súas obras de arte.
A Comisión de Festas, presidida polo Alcalde de Lugo, José López Orozco, mantivo hoxe unha nova xuntanza dos seus responsables na que se deu conta da adxudicación provisional das parcelas do recinto feiral do San Froilán para os feirantes. O Concello de Lugo, a través da Concellería de Cultura que dirixe Concepción Burgo, adxudicou de xeito provisional a ocupación de 108 parcelas para 134 industriais que participen na feira do San Froilán. Isto débese a que algunhas das prazas ofertadas poden ser compartidas.
* López Orozco destaca que constitúe unha aposta por un turismo cultural de calidade que reflicta a nosa identidade como pobo e todas as nosas potencialidades
O concerto de Christina Rosenvinge abrirá este mércores 15 o programa de verán do Convenio Lugo Cultural, que integra ao Concello de Lugo, a Vicerreitoría de Cultura da USC, Vicepresidencia Primeira da Deputación Provincial, Creación e Difusión Cultural da Xunta de Galicia e Fundación Caixa Galicia. Co nome de ‘Entre Lusco e Fusco’, celebraranse varias actuacións musicais co obxectivo de recuperar zonas naturais como espazo escénico para a música.
Páxinas
- « primeira
- ‹ anterior
- …
- 437
- 438
- 439
- 440
- 441
- 442
- 443
- 444
- 445
- …
- seguinte ›
- última »