A Concelleira de Cultura e Turismo, Concepción Burgo, presentou a XII Edición do Certame de Narración Curta Ánxel Fole que, como en anos anteriores, ten dúas modalidades: galego e castelán.
Trátase dun certame que cada ano esperta moito interese non só en Galicia senón no ámbito nacional. A Concelleira indicou que cada ano ten un maior número de participantes, na pasada edición presentáronse ao concurso de narración curta 31 obras en galego e 53 en castelán”.

* Destaca que os actos de conmemoración da Muralla como Patrimonio e o Xacobeo farán de Lugo e de Galicia o cumio da modernidade universal

O Alcalde de Lugo, José López Orozco, participou esta tarde na celebración do patrón da Escola de Arte Superior de Deseño Ramón Falcón no que lles pediu aos alumnos que acheguen ideas creativas para a celebración do 10 aniversario da Muralla como Patrimonio Mundial. No acto estivo acompañado pola directora da Escola, Esther Muñoz.

Unha vintena de magos encherán de trucos e misterios a cidade ente o domingo día 1 de novembro e o sábado día 7 dentro do programa da sétima edición da Semana Internacional da Maxia. Lugo Máxico 2009, organizado pola Concellería de Cultura e Turismo do Concello de Lugo en colaboración co colectivo Waldemar e a productora Abracadabra Produccións, presentará este ano algunhas novidades que sen dúbida asombrarán aínda máis ao público lucense, segundo indicaron os organizadores.

As actividades da Semana de Benvida 2009, organizadas dentro do Convenio Lugo Cultural,  do que forma parte o Concello de Lugo, continúan este xoves 22 coa actuación de Xacobe Martínez, que presentará o seu novo proxecto A Tribu. Unha volta ás raíces ás 20:30 horas, na Praza de Santa María.