Un total de 15 persoas comezan o sábado o “Curso de formación básica de axuda a domicilio” que realizará unha empresa do sector coordinado e subvencionado polo Servizo de Prevención de Drogodependencias do Concello de Lugo gracias ao Plan Nacional de Drogas.

Este curso terá lugar todos os sábados, de nove e media a unha, até o 16 de xuño, no Centro Social Uxío Novoneyra, no terceiro andar.

A Concellería de Muller e Benestar Social está a desenvolver xunto ao Servicio Galego de Saúde un ciclo de charlas médicas que, baixo o título Sanidade na terceira idade, visitará esta semana o barrio das Gándaras e a parroquia de Romeán.

Esta iniciativa obedece ao convenio de colaboración asinado entre o Concello, o Sergas e o Colexio Oficial de Enfermaría de Lugo para levar a cabo unha serie de accións formativas relacionadas coa saúde.

O ciclo continúa esta semana con dúas charlas, a primeira no Local Social de Romeán, mañá, mércores, ás seis da tarde.

A Concellería de Muller e Benestar Social, que dirixe Carmen Basadre, continúa esta fin de semana co programa de actos organizado con motivo da conmemoración do Día Internacional das Mulleres, que se celebrou de xeito oficial o pasado xoves.

Trátase de actividades feitas por mulleres pero dirixidas a todo o público "para reivindicar a igualdade entre homes e mulleres, que é a finalidade destas actuacións". O programa se desenvolverá até o día 13.

O sábado repítese a experiencia do ano pasado coa celebración do Itinerario de Mulleres.

A Concelleira de Muller e Servizos Sociais analiza nun artigo a andaina desta publicación do seu departamento

A revista Foeminas publica un novo número que xa se pode ler na páxina www.lugo.es. Esta publicación virtual, que cumpriu o seu primeiro aniversario o pasado mes de decembro, chega ao número dezaseis da súa andaina.

Este número ten un carácter moi especial, pois está dedicado á conmemoración do Día Internacional da Muller Traballadora e convida nos seus artigos á reflexión e ó debate sobre a realidade social da muller.