O Alcalde de Lugo, José López Orozco, participou esta mañá na presentación das XXIII Xornadas Penitenciarias Lucenses organizadas pola Asociación Penitenciaria Concepción Arenal Lugo que se desenvolverán na cidade a semana do 28 de setembro. Unha xornada gratuíta destinada aos profesionais e á cidadanía en xeral.
Por vez primeira Lugo celebra o Día Europeo das Linguas que terá lugar o próximo venres 25 de setembro na Casa das Linguas situada na Estrada da Granxa. O programa de actos deste evento foi presentado esta mañá pola Concelleira de Economía e Emprego, Sonia Méndez, e a Concelleira de Benestar Social e Igualdade, Carmen Basadre.
A Concelleira de Benestar Social e Igualdade, Carmen Basadre, deu a coñecer os campos nos que se traballarán dende o Servizo Municipal das Drogodependencias no curso 2009-2010. “Realizaranse un ano máis diferentes actividades de intervención en distintos ámbitos nos centros educativos, coas nais e cos pais, no entorno comunitario e coas asociacións e entidades que o demandan”, destacou.
A Xunta de Goberno Local do Concello de Lugo aprobou esta mañá a adquisición onerosa definitiva de tres vivendas e provisional doutras tres para Servizos Sociais por un total de 576.989 euros. Segundo explicou a Concelleira de Benestar Social e Igualdade, Carmen Basadre, o Concello cumpriu xa cos compromisos acadados na Comisión de Seguemento das Vivendas da Ponte, mercando 8 pisos no ano 2008 e 7 en 2009.
O Concello de Lugo a través da Concellería de Servizos Xerais que dirixe Carmen Basadre e a Asociación de Familias de Lugo Adoptantes en China Chéng Bao acordaron colaborar para que os usuarios da Casa das Linguas teñan a posibilidade de practicar o chinés.
Con motivo da celebración do Día Internacional das Persoas Maiores que conmemora desde 1990 a ONU, o xoves 1 de outubro, terá lugar a Festa dos Maiores organizada polo Concello de Lugo. Segundo explicou a Concelleira de Muller e Benestar Social, Carmen Basadre, “estes actos festivos buscan servir de xornada de convivencia entre os maiores e ofrecerlles actividades de lecer adaptadas aos seus gustos”. A festa terá lugar no Parque da Milagrosa ata as 19:30 horas.
O Foro de Igualdade entre Mulleres e Homes do Concello de Lugo aprobou, nunha xuntanza mantida esta mañá, a realización dunha campaña de promoción do deporte feminino co obxectivo da sensibilización da sociedade, xa que a Concellería de Deportes detectou que existe unha desproporción visible en canto á maior participación de homes que de mulleres nas actividades deportivas.
No eido deportivo aprobouse tamén o fomento do deporte adaptado para persoas con discapacidade.
* Máis de 2.100 persoas participaron nas actividades de verán organizadas pola Concellería de Benestar Social e Igualdade
O Concello de Lugo continúa coas actividades de prevención de drogodependencias entre a mocidade lucense a través dunha nova campaña baixo o nome de Sábados +XTI. Esta iniciativa foi presentada esta mañá pola Concelleira de Benestar Social e Igualdade, Carmen Basadre, que explicou que “se trata de cubrir as necesidades que teñen os rapaces e rapazas de entre 12 e 16 anos en materia de ocio e tempo libre”.
Mañá mércores 2 de setembro, finalizan as sesións do Videoforum infantil que ao longo dos meses de verán estiveron a celebrarse no Centro Social de Lamas de Prado. Esta actividade, organizada polo Servizo Municipal de Prevención de Drogodependencias, a través do Punto Xuvenil, tivo lugar todos os mércores de verán de 18:00 a 20:00 horas.
Páxinas
- « primeira
- ‹ anterior
- …
- 362
- 363
- 364
- 365
- 366
- 367
- 368
- 369
- 370
- …
- seguinte ›
- última »