Actualidade

    Ex., 01-06-2026
    Ex., 01-06-2026
    Luns, 12 de novembro de 2007
    Amplíase o prazo de participación no concurso de debuxo on line que celebra o Día de Intenet

    O Concello de Lugo ampliou até o domingo o prazo de participación no concurso de debuxo on line organizado con motivo da celebración do Día de Internet.

    A través da dirección www.pintaconnos.com pódese participar nun concurso de debuxo no que se repartirán distintos premios e no que poderán participar persoas de todas as idades. Esta actividade foi programada pola Concellería de Servizos Xerais, que dirixe Luisa Zarzuela, para conmemorar o Día de Internet.

    Pódese acceder a este xogo dende a nova aplicación na web municipal.

    Luns, 12 de novembro de 2007
    Pecha a mostra sobre Rosalía no Uxío Novoneyra

    O Centro Social Uxío Novoneyra acolle as últimas xornadas da mostra “Rosalía Ilustrada”, organizada pola Concellería de Educación, q ue dirixe María Dolores Vieiro, en colaboración coa Fundación Caixa Galicia e a Casa Museo Rosalía de Castro, e que pechará as súas portas o venres.

    A mostra estivo aberta ao público polas tardes mentres que pola mañá foron os grupos de escolares os que realizaron esta visita guiada.

    A mostra recolle 25 poemas de Rosalía de Castro acompañados cada un por unha ilustración feita por artistas galegos.

    Luns, 12 de novembro de 2007
    O Concello amplía o número de premios do concurso on line Pinta con nós debido á gran participación

    A masiva participación que rexistrou o certame organizado pola Concellería de Servizos Xerais para conmemorar o Día de Internet animou ao Concello a ampliar o número de premios do concurso de debuxo on line “Pinta con nós” de 4 a 24 premios. Os 24 galardóns serán entregados polo Alcalde, José López Orozco, nun acto que terá lugar o mércores, día 23, ás 20:00 horas no Salón de Plenos da Casa Consistorial.

    Entre os gañadores repartiranse dúas consolas Nintendo DSLite, dous teléfonos móviles de última xeración, dez teléfonos inalámbricos e dez aparatos radiofónicos.

    Luns, 12 de novembro de 2007
    Clausuran o programa de formación do profesorado Vivir xuntos, convivir

    A Concellería de Educación, que dirixe María Dolores Vieiro, clausura mañá, xoves, o programa de formación do profesorado para a mellora da conviviencia na aulas Vivir xuntos, convivir.

    O acto de clausura terá lugar ás sete da tarde no Centro Social Uxío Novoneyra cunha reunión á que asistirán Concelleiros de Delegados das Consellerías da Xunta de Galicia.

    Esta nova edición supuxo unha continuidade co ano pasado e seguiu coordinada polo orientador Manuel Blanco Rábade, coa mesma temática e o mesmo sistema de traballo.

    Luns, 12 de novembro de 2007
    Lugo contará cun circuíto de bicicletas a primeiros de setembro

    A Xunta de Goberno Local aprobou hoxe a posta en marcha dun circuíto de bicicletas en virtude dun convenio co INEGA.

    Un total de cen bicicletas estarán a disposición dos lucenses en cinco puntos diferentes para a utilización de distintas rutas. Este proxecto ten un orzamento de 140.000 euros e terá unha xestión de uso totalmente informatizada con disponiblidade para 3.000 usuarios.

    Neste circuíto haberá cinco bases para recollida e depósito das bicicletas.

    Luns, 12 de novembro de 2007
    Entregados os premios do concurso Pinta con nós

    As Concelleiras de Servizos Xerais e de Educación, Luisa Zarzuela e María Dolores Vieiro, fixeron hoxe entrega dos premios aos gañadores do concurso Pinta con nós, organizado polo Concello de Lugo con motivo da celebración do Día de Intenet.

    Debido á elevada participación, preto de 200 debuxos rexistrados de artistas de distintas idades, o Concello decidiu ampliar os premios de catro a 24.

    Luns, 12 de novembro de 2007
    As actividades formativas de Conéctate en Lugo continúan esta semana no barrio de Fingoi e Acea da Olga

    As actividades formativas do programa “Conéctate en Lugo”, deseñadas para achegar a todos os cidadáns as novas tecnoloxías, continúan esta semana no barrio de Fingoi e Acea da Olga.

    Esta semana o programa desenvolverase no Centro Social de Fingoi, onde os usuarios que o desexen poderán achegarse ao mundo da informática e da rede en horario de mañá (de 11 a 13 horas) e de tarde (de 17 a 19 horas), de xeito totalmente gratuíto e guiados polos expertos monitores. 

    Máis de quinientas persoas están a participar nesta actividade formativa, que está dirixida principalmente a maiore

    Luns, 12 de novembro de 2007
    Pecha o prazo para inscribirse no torneo de xadrez de Semana Santa

    O Centro Social Uxío Novoneyra acollerá o luns, día 2 de abril, o Torneo de Xadrez de Semana Santa, organizado dentro do circuíto Camiño do Scacorum pola Concellería de Educación, a Escola Luguesa de Xadrez, a Asociación Cultural Xaquedrum e o diario El Progreso.

    Haberá cinco categorías para a participación: menores de 8 anos, menores de 10, menores de 12, menores de 14, menores de 16 e menores de 20 anos, ademais dunha categoría para os familiares dos participantes.

    O torneo celebrarase entre as once e a unha, pola mañá, e de cinco a sete, pola tarde.

    Luns, 12 de novembro de 2007
    Os alumnos do CEIP Vista Alegre de Burela aproveitaron unha excursión a Lugo para coñecer a Casa Consistorial

    Os alumnos de 5º e 6º de Primaria do CEIP Vista Alegre de Burela achegáronse á Casa Consistorial onde foron recibidos pola Concelleira de Servizos Xerais, Luisa Zarzuela, no Salón de Plenos.

    Os cincuenta e dous rapaces do municipio costeiro están de visita na cidade e aproveitaron esta excursión para coñecer o funcionamento do Concello e as tarefas dos Concelleiros.

    Luisa Zarzuela conversou cos escolares sobre as novas tecnoloxías, en especial de Internet, e tamén sobre os seus hábitos alimenticios.

    Luns, 12 de novembro de 2007
    Continúa no CEIP Rosalía de Castro o programa de charlas Arqueoloxía na Escola

    O ciclo de conferencias do programa Arqueoloxía na Escola, que se celebra por segundo ano organizado polo Concello de Lugo, terá a súa continuidade mañá, venres, no colexio Rosalía de Castro.

    Neste programa participan preto de 250 rapaces do último ciclo de Primaria de nove centros públicos de Lugo.

    Páxinas