A través deste acordo, ambas as administracións estreitan a súa colaboración para adecuar os usos do complexo para que poida converterse na sede do futuro centro enogastronómico previsto dentro do Plan de Turismo Sostible.

“A súa recuperación permitirá posicionar a Lugo como un destino enogastronómico de referencia á vez que brinda unha oportunidade única ao tecido produtivo lucense para promocionar os seus produtos”, sinalou a rexedora.

O Concello xa conta cun anteproxecto que prevé utilizar o volume central do edificio nun obradoiro onde os visitantes poderán gozar de distintas experiencias gastronómicas nunha localización paisaxística privilexiada.