O Concello de Lugo | Concello de Lugo

O Concello de Lugo

Órganos de goberno

Pleno Municipal

O Pleno é o máximo órgano de representación política dos cidadáns no goberno municipal, e está constituído polo Alcalde, no cargo de Presidente, e polos Concelleiros.

O Pleno celebra as súas sesións na Casa Consistorial. Son de carácter público e, como tal, poden seguirse en vídeo e consultarse as actas online.

Xunta de Goberno local

A Xunta de Goberno Local é o órgano municipal que colabora na función de dirección política que lle corresponde ao Alcalde, que é o seu presidente e o encargado de nomear aos seus membros.

Encárgase, entre outras competencias, da aprobación dos proxectos relativos a ordenanzas, orzamentos, regulamentos ou relación de postos de traballo.

Outros órganos

Mesa de Contratación

A Mesa de Contratación é un órgano independente e obrigatorio, segundo se establece na Lei de Contratos do ano 1995.

A Mesa de Contratación encárgase de asistir ao órgano de contratación para as adxudicacións dos contratos de obra pública.

Mesa Local de Comercio

É un órgano consultivo do Concello presidido polo Alcalde e composto por representantes do comercio e da hostalería lucense.

Está tamén representada na Mesa a Dirección Xeral de Comercio, para tratar asuntos de compentencia municipal que sexan do interese dos comerciantes.

Consello Económico e Social

O Consello Económico e Social é un órgano colexiado de participación, de conformidade co artigo 69 da Lei Reguladora das Bases de Réxime Local, de carácter consultivo e asesor en materia socio-económica deste Concello; e que se estrutura como un Consello sectorial, de conformidade co artigo 130 do Regulamento de Organización, Funcionamento e Réxime Xurídico das Entidades Locais, así como do Regulamento de Participación Cidadá.

Goberno Municipal Infantil de Lugo

Composición do Goberno Infantil Municipal do Concello de Lugo, presidido nesta IX lexislatura polo Alcalde infantil Lucas Mosquera Deán, do CEIP Illa Verde.

Outras Webs