O XXII Festival de Teatro Universitario presentará en Lugo do 8 ao 19 de abril un relatorio do director do Instituto de Teatro de Madrid, un concerto sobre a música na vida de Lorca e ensaios e adestramentos abertos. A asistencia ás distintas actividades programadas é libre e gratuíta, aínda que, dado que a capacidade de asistencia para presenciar a función de O Público está limitada a 100 butacas, as persoas interesadas deberán recoller previamente as entradas nas oficinas de Cultura da Vicerreitoría de Coordinación do campus de Lugo, onde se despacharán a partir do 15 de abril. Para asistir aos pases programados para institutos de ensino medio ou para participar nos obradoiros ofertados, que teñen prazas limitadas, cómpre facer a reserva previa en quenda de mañá no número de teléfono 982 821 513.