Os servizos de Bombeiros e Policía Local do Concello de Lugo tiveron esta madrugada varias saídas por mor da intensa choiva que caeu sobre a cidade desde as 5.00 horas.
Os Bombeiros tiveron que achicar auga en tres garaxes sitos nas rúas Castelo de Abaixo, 102; Fontiñas, 90 e San Eufrasio, 4, a Policía Local levantou atestado. As 7.00 horas os bombeiros trasladaronse á Calzada das Gándaras coa rúa Serra de Meira, neste punto tiveron que intervir achicando auga na calzada, no inmoble nº 1- 11 onde colaboraron con dous condutores para retirar os turismos do garaxe.