As concelleiras Cristina López e Iria Buide asistiron ao Concurso Coreográfico 2025, organizado polo Conservatorio Profesional de Danza de Lugo no Auditorio Municipal Fuxan os Ventos. O certame, que este ano rende homenaxe á recoñecida bailarina e coreógrafa Tamara Rojo, actual directora do San Francisco Ballet, contou coa participación de numerosos bailaríns e bailarinas.

Durante o evento, entregáronse premios en catro categorías: mellor bailarín, mellor bailarina, mellor coreografía e a coreografía máis votada polo público asistente. As concelleiras destacaron a calidade artística das propostas e subliñaron o papel fundamental do CDAN como referente na formación en danza e na promoción das artes escénicas na cidade.

O Concurso Coreográfico forma parte da programación anual do CDAN e reafirma o seu compromiso coa difusión da danza e o apoio ao talento novo dende Lugo.