Trátase dun total de 25 citas deportivas de máis dunha vintena de modalidades diferentes, entre as que se atopa o tenis, piragüismo, ciclismo, tiro con arco, pádel, baloncesto, rugby, voléibol, beísbol, hóckey, golf, judo, boxeo ou fútbol
A Gala do Deporte, na que se premiará por noveno ano o deporte lucense, celebrarase o xoves, 8 de outubro no auditorio municipal Gustavo Freire a partir das 20:30 horas
- Tema
O Concelleiro de Deportes e Infraestruturas Urbanas, José Manuel Díaz Grandío, deu a coñecer este xoves as actividades deportivas que compoñen o programa do San Froilán 2015. Trátase dun total de 25 citas deportivas de máis dunha vintena de modalidades diferentes, entre as que se atopa o tenis, piragüismo, ciclismo, tiro con arco, pádel, baloncesto, rugby, voléibol, béisbol, hóckey, golf, judo, boxeo ou fútbol, entre outros.
“O San Froilán non soamente é o feiral e a festa, senón que tamén é unha cita deportiva na que se reúnen uns 2.000 deportistas, dende os base aos de élite e de recoñecida traxectoria”, sinalou o edil, quen lembrou que o deporte sempre tivo un importante oco nestes festexos declarados de Interese Turístico Galego e Nacional.
“A cidade comezará a vivir a festa do deporte o 26 de setembro, co VI Torneo Internacional San Froilán Cidade de Lugo”, anunciou Díaz Grandío ao tempo que avanzou que as actividades deportivas se desenvolverán ata o 12 de outubro en 8 instalacións deportivas municipais, nas pistas de tenis cubertas de Frigsa, no polideportivo Daniel Cordido, nas pistas de atletismo Gregorio Pérez Rivera, no pavillón municipal, no campo municipal Germán López Díaz, no polideportivo Casa do Deporte, no polideportivo O Pombal e no campo municipal da Cheda, así como no Club fluvial de Lugo, no Club Pádel Hotel Santiago, no Pazo Universitario de Deportes, no Pazo Provincial dos Deportes, en Pool Bar Tiempos Modernos, no campo de golf de Lugo, no Real Aero Club de Lugo e nas rúas da cidade.
Díaz Grandío tamén fixo fincapé na Gala do Deporte, que este ano se celebrará o xoves, 8 de outubro no auditorio municipal Gustavo Freire a partir das 20:30 horas, onde se premiará por noveno ano o deporte lucense.
Calendario deportivo San Froilán 2015
Sábado 26 de setembro
- Tenis de mesa
10.00 h.- VI Torneo internacional San Froilán Cidade de Lugo. Pista municipal de tenis cuberta de Frigsa
- Piragüismo
11.00 h.- X Descenso recreativodo Miño para veteranos. Club fluvial de Lugo
- Ciclismo
16.00 h. XV Criterium Ciclista San Froilán. Circuíto Avda Ramón Ferreiro
- Tiro con arco
16.00 h.- IX Trofeo San Froilán de Tiro con Arco. Polideportivo Daniel Cordido (Piringalla)
Domingo 27 de setembro
- BTT
09.00 h.- XVI Marcha cicloturista San Froilán
Do 01 ao 04 outubro
- Pádel
10.00 h.- XIV Open de Pádel trofeo San Froilán. Club Pádel Hotel Santiago
02 outubro
- Baloncesto
20.45 h.- Partido: Actel Força Lleida Vs. Cafés Candelas Breogán. Pazo Universitario de Deportes
Do 02 ao 03 outubro
- Squash
10.00 h.- VII Torneo San Froilán de Squash. Pazo Provincial dos Deportes
03 outubro
- Rugby
16.00 h.- XIV Torneo San Froilán de Rugby. Pistas de Atletismo Gregorio Pérez Rivera
- Dardos
16.00 h.- VII Open de Dardos San Froilán. Pool Bar Tiempos Modernos
- Voléibol
20.00 h.- Superliga Masculina Emeve - Fc Barcelona. Pavillón Municipal
03, 07 e 10 outubro
- Béisbol
VII Torneo San Froilán de béisbol de veteranos e infantís. Campo Municipal Germán López Díaz (O Ceao)
(Días 3 e 10: ás 11.00 horas veteranos; ás 16.00 horas infantís)
(Día 7: ás 17.00 h. veteranos)
Do 03 ao 10 outubro
- Hóckey
09.00 h.- XVI Torneo Hóckey liña Cidade de Lugo San Froilán. Polideportivo Daniel Cordido (Piringalla)
04 outubro
- Golf
09.00 h.- XIX Torneo San Froilán de Golf. Campo de Golf de Lugo
- Voléibol
12.00 h.- Superliga Masculina Emeve - Xátiva Voleibol. Pavillón Municipal
- Judo
18.00 h.- XlI Torneo Judo San Froilán. Polideportivo Casa do Deportes
Do 05 ao 11 de outubro
- Tenis
10.00 h.- XIII Torneo San Froilán de Tenis. Pista municipal de tenis cuberta de Frigsa
08 outubro
- Gala Deporte
20.30 h.- IX Entrega Premios Deporte Lucense El Progreso. Auditorio Gustavo Freire
09 outubro
- Boxeo
21.00 h.- Velada Boxeo San Froilán 2015. Polideportivo O Pombal Organiza Boxing Club Cidade de Lugo
Do 09 ao 11 outubro
- Tenis
10.00 h.- Campionato España Tenis Silla de Ruedas por Autonomías. Pista municipal de tenis de Frigsa
Do 09 ao 12 outubro
- Billar
16.00 h.- XIV Open San Froilán Billar Pool Bola 8. Pool Bar Tiempos Modernos
10 outubro
- Pesca
10.00 h.- XI concurso Pesca Ciprínidos San Froilán. Club Fluvial de Lugo
- Fútbol
21.00 h.- V copa San Froilán de Fútbol -7 +35 anos. Campo municipal da Cheda
11 outubro
- Tiro Pistola 9 mm.
10.00 h.- XXII Trofeo San Froilán Tiro Pistola 9 mm. Real Aero Club de Lugo
- Esgrima-espada
09.00 h.- VII Torneo San Froilán Ránking Espada. Sala Esgrima Pavillón Municipal
12 outubro
- Futbolín
16.00 h.- V Open San Froilán de Futbolín. Pool Bar Tiempos Modernos
Audio
- Sobre o programa de actos do San Froilán 2015 | Descargar mp3