A Xunta de Goberno interpuxo este mércores unha multa coercitiva –a oitava- polo importe de 6.000 euros aos donos de dous edificios na Ronda da Muralla e Xulia Minguillón, como consecuencia do incumprimento reiterado das ordes de execución e rehabilitación ditadas polo Concello, tanto en Xunta de Goberno Local como a través de Decretos. Así o anunciou o voceiro municipal, Miguel Fernández, que deu a coñecer que a multa se reducirá na súa contía nun 30% se é aboada no prazo de 15 días e que se lles requirira de novo aos donos que procedan a cumprir as ordes de execución.

No caso de que os donos non paguen a multa, o Concello abrirá a vía do embargo (de bens ou contas) aos propietarios de ambos os dous edificios para cobrar o importe destas sancións. Paralelamente, no caso de non cumprir de novo a orde de execución, o Concello procederá á execución subsidiaria das obras de rehabilitación, cuxo custe será repercutido posteriormente aos propietarios.

Audio

• Miguel Fernández, sobre as multas coercitivas e reiteradas a dous edificios na Ronda da Muralla e Xulia Minguillón |Descargar mp3