Delitos contra a seguridade viaria
No día de onte, por parte de efectivos do Grupo Operativo Nocturno da Policía Local de Lugo, levouse a cabo un dispositivo de seguridade viaria no que se estableceron diferentes controis integrais de alcoholemia, drogas e velocidade, co seguinte resultado:
- Na rúa Ramiro Rueda detéctase a circulación irregular dun vehículo, cuxo condutor presenta signos de embriaguez, sendo requirido para a realización das probas de alcoholemia, ao que se NEGA, a pesar de ser advertido que esta conduta é constitutiva dun delito contra a seguridade viaria, reiterando a súa NEGATIVA, polo que se instrúen dilixencias como investigado deste delito, na modalidade de Xuízo Rápido, inmobilizando o vehículo. O vehículo estaba dado de baixa temporal e carecía de Seguro Obrigatorio.
- Na rúa Marina Española dáse o alto a unha furgoneta, procedendo á identificación do condutor e comprobando que CARECE DE PERMISO de condución por condena xudicial, presentando ademais signos de embriaguez, sendo sometido ás probas de detección alcohólica, lanzando un resultado POSITIVO de 0,33 mg/l, instruíndose dilixencias por delito contra a seguridade viaria na modalidade de Xuízo Rápido, inmobilizando o vehículo.
- Na Avenida de Fabio Paulo Máximo detéctase un vehículo que ao identificar o seu condutor, este presenta signos de embriaguez, sendo sometido ás probas regulamentarias, lanzando un resultado POSITIVO de 0,47 mg/l, abríndose expediente sancionador con multa de 500 euros e a retirada de 4 puntos do permiso de condución, inmobilizando o vehículo.
- Na rúa Galicia dáse o alto a un vehículo, sometendo ao seu condutor ás probas de alcoholemia, lanzando un resultado POSITIVO de 0,35 mg/l, sendo sancionado con multa de 500 euros e a retirada de 4 puntos do permiso de condución, inmobilizando o vehículo.
- Na rúa Montirón é sometido un condutor ás probas de alcoholemia, lanzando un resultado POSITIVO de 0,42 mg/l, sendo sancionado con multa de 500 euros e a retirada de 4 puntos do permiso de condución, inmobilizando o vehículo.
CONTROIS DE VELOCIDADE
No transcurso destes filtros de seguridade viaria establecéronse controis complementarios de velocidade, co seguinte balance:
- Vehículos controlados: 920 vehículos
- Condutores denunciados: 60
Accidente de circulación con ferido
Na madrugada do día 24 de novembro un equipo de Atestados da Policía Local de Lugo desprázase á confluencia da Rolda de Fingoi coa rúa Alfonso X o Sabio onde se produciu un accidente de circulación, observando que un vehículo chocara contra un farol, debido ao parecer á mala visibilidade no parabrisas dianteiro, resultando ferido leve un pasaxeiro, que foi trasladado por unha ambulancia ao HULA, instruíndose as oportunas dilixencias. (foto)