Delito contra a seguridade viaria

Sobre as 5,00 horas do día 7 de marzo, cando unha patrulla do Grupo Operativo Nocturno da Policía Local de Lugo atopábase auxiliando a unha persoa en estado de embriaguez, na Praza de Augas Férreas, observa como dun local de lecer nocturno sae unha persoa que presenta signos acharse baixo a influencia de bebidas alcohólicas, xa que ten dificultade para manter a verticalidade, dirixíndose a un vehículo, introducíndose no mesmo e accionando o motor, polo que os axentes diríxense a el, ordenándolle que ao non atoparse en estado de conducir non mova o vehículo, manifestando que non ía conducir, que estaba a esperar por uns amigos, abandonando os axentes o lugar.

Momentos máis tarde, a patrulla observa como o vehículo está a circular, conducido por esta persoa, dándolle o alto e sendo requirido para someterse a unha proba de detección alcohólica, ao que o condutor négase rotundamente, a pesar de ser advertido das consecuencias penais que iso conleva, reiterando a negativa, mostrando unha actitude agresiva xa que mesmo golpea a man dun dos policías, encerrándose no seu turismo, tentando continuar a marcha, podendo poñer en risco a integridade dos axentes.

Finalmente o condutor é identificado, instruíndose dilixencias polos delitos contra a seguridade viaria de conducir baixo a influencia de bebidas alcohólicas e negarse a someterse ás probas de alcoholemia, non acreditando o condutor que posúe permiso de condución.

Detención delito de Falsidade documental

Na tarde do día 6 de marzo unha patrulla da Unidade Territorial de Policía de Barrio da Policía Local de Lugo, de servizo pola Avenida de As Américas, dá o alto a un vehículo que circulaba de forma irregular, solicitando á condutora o permiso de condución, mostrando un da República de Colombia, observando os axentes que hai signos evidentes que poida ser falso, xa que as inscricións do documento non coinciden coas orixinais dun documento oficial dese país, aliñacións non correctas, presenta incongruencias cronolóxicas á expedición do permiso e fabricación do soporte, etc, procedendo á intervención do documento e á detención da condutora por un presunto delito de falsidade documental, sendo trasladada a dependencias policiais onde se instrúen as dilixencias para o Xulgado de Garda.