La alcaldesa de Lugo destaca la importancia de dotar de más recursos de apoyo a las personas que sufren daño cerebral

Lara Méndez, que participou hoxe no Día do Dano Cerebral, agradeceu “as labores das entidades que como ADACE Lugo están a realizar en prol das necesidades deste colectivo”.

O Concello de Lugo, a través da Área de Benestar, realiza unha achega económica para manter o Centro de Día.

Martes, 26 de octubre de 2021
Fuente: 
Gabinete de Prensa
A alcaldesa de Lugo destaca a importancia de dotar de máis recursos de apoio ás persoas que sofren dano cerebral

A Alcaldesa de Lugo, Lara Méndez, participou hoxe na conmemoración do Día do Dano Cerebral, organizado por ADACE Lugo, no cal se procedeu á lectura dun manifesto co fin de sensibilizar e informar á poboación sobre a realidade e as necesidades do colectivo de familiares e afectados.

A rexedora destacou a importancia de conmemorar esta data para visualizar e normalizar a situación das persoas que padecen esta doenza, así como de dotar de máis medios e recursos para elas e para a súas familias, “que son un piar fundamental para este tipo de pacientes”.  

Méndez puxo en valor o traballo que están a realizar as entidades deste campo, “entidades como ADACE Lugo, que organiza esta xornada e que desenvolve unha labor encomiable de apoio con programas de autonomía persoal, traballo social, fisioterapia, terapia ocupacional e accións de ocio, tempo libre e inclusión social, entre outras moitas”.

Neste senso, lembrou que o Concello, a través da área de Benestar Social, fai unha achega económica de 8.000 euros a ADACE, que permiten a este colectivo manter o seu Centro de Día. Ao encontro tamén asistiron as concelleira de Muller e Igualdade, Silvia Alonso; Benestar Social, Olga López e Paula Alvarellos, edil de Gobernanza.

ADACE é unha asociación sen ánimo de lucro, de ámbito provincial, creada no 2006 por persoas afectadas por Dano Cerebral Adquirido, as súas familias e outros colaboradores. Conta con preto de 300 socios e entre os seus obxectivos están promover a acollida, información, orientación e asesoramento a familiares e afectados de dano cerebral sobrevido; así como sensibilizar ás institucións públicas e á sociedade en xeral sobre a problemática do afectado de DCS e das súas familias.

Multimedia

  • A alcaldesa de Lugo destaca a importancia de dotar de máis recursos de apoio ás persoas que sofren dano cerebral

Noticias relacionadas