A Concelleira de Cultura, Turismo, Xuventude e Promoción da Lingua, Carmen Basadre, acompañada polo Presidente da Asociación Provincial de Empresarios da Hostelería, Cheché Real, e un representante dos hosteleiros da zona de Rafael de Vega, Nicómedes Pastor Díaz, e Montero Rios, Ricardo Vilariño, presentaron unha nova edición das xornadas gastro-romanas Ars Magirica.

Un ano máis, diversos establecementos hostaleiros da cidade ofrecerán tapas con produtos que xa se consumían en época romana e castrexa e coa os cidadáns poidan coñecer as costumes gastronómicas de época antiga. As tapas estarán dispoñibles a partir do venres 22 de maio nos locais do centro, e a partir do 29 de maio nos locais da zona de Rafael de Vega e Montero Rios, e os prezos oscilarán entre 1 e 3 euros.

Carmen Basadre destacou que “estas xornadas gastronómicas son as propias para ir quentando motores de cara o Arde Lucus 2015 ”e agradeceu aos establecementos colaboradores a súa implicación e o traballo que realizan para promocionar a festa. Ademais presentou a unha nova asociación hostaleira que se está creando e que baixo o nome de Muralla Leste aglutinará aos restaurantes e bares da zona de Montero Rios, Rafael de Vega e Nicómedes Pastor Díaz.

Os establecementos que forman parte destas xornadas gastronómicas dentro da especialidade de tapas están o restaurante Antas, Cafeteria Diveca, a Casa María, Mesón A Laxa, Parrillada Fonsagrada, Pasarela, Cervezoteca A Tinería, o Cincuenta e Seis, Os Cachivaches, Restaurante Campos, o Mercado Street Food, A Caseta da Barra, A tu salud, Cafetería El Trópico, Cervecería Central, Cafeteria Gucho´s, Kursal Sports Bar, Parrillada Abel, Parrillada Botafumeiro, Restaurante A Rosada, Restaurante Espolada, e Restaurante Vivero.

Neste sentido, Cheché Real, tamén se referiu a que estas actividades é porque se está movendo a cidade a nivel de hostelería e todos estamos con gañas de participar en todo o que se nos propoña.

+ Info

• Carmen Basandre na presentación das xornadas | Descargar mp3
• Folleto das xornadas  gastro-romanas Ars Magirica | Descargar pdf