A edil de Cohesión Social mantivo un encontro coa xunta directiva do colectivo para profundar nas posibles vías de colaboración cara a consecución deste obxectivo.
A concelleira de Cohesión Social, Ana González Abelleira mantivo un encontro coa Federación de Aspace Galicia no que, entre outros asuntos, abordou coa xunta directiva desta entidade a necesidade de que o colectivo dispoña dun local axeitado que reúna as condicións para ser un Centro de Día e poder, así, ampliar a súa atención a máis persoas e familias de toda a provincia de Lugo.
Pola súa parte, a tenenta de alcaldesa incidiu na vontade de colaboración do Concello e tendeu, novamente, a man da Administración local para seguir traballando conxuntamente amosando o seu total apoio ao obxectivo de acadar a posta en marcha na cidade dun Centro de Atención Integral á Parálise Cerebral e Trastorno Motoro.
Audio
- A concelleira de Cohesión Social, Ana González Abelleira, sobre a reunión con Aspace | Descargar mp3