Delitos contra a seguridade viaria

Un vehículo policial camuflado do Grupo Operativo Nocturno da Policía Local de Lugo detecta a circulación irregular dun vehículo pola rúa Mariña Española, polo que se lle dá o alto, deténdose e abandonando o seu condutor o vehículo, dándose á fuga correndo, sendo inmediatamente interceptado polos axentes que comproban que presenta signos de acharse embriagado, sendo sometido ás probas de detección alcohólica, arroxando un resultado POSITIVO de 0,84 mg/l.

Así mesmo, compróbase a través das bases de datos policiais que devandito condutor CARECE de permiso de condución por suspensión xudicial, comprobándose ademais que o vehículo que conducía carece de Seguro Obrigatorio.

Por todo o anterior instrúense dilixencias por DOUS delitos contra a seguridade viaria na modalidade de Xuízo Rápido ao conducir con altas taxas de alcol e carecendo de permiso de condución, sendo inmobilizado o vehículo.

Na madrugada do día 12 unha patrulla do Grupo Operativo Nocturno da Policía Local de Lugo detecta a circulación irregular dun vehículo pola Avenida de Madrid, momento no que, ao detectar a presenza policial, emprende a huída a gran velocidade pola rúa San Roque, chegando mesmo a circular en sentido contrario á circulación, tendo un vehículo que circula correctamente que subirse á beirarrúa para evitar a colisión, pondo en risco a integridade física das persoas, sendo interceptado, comprobando que presenta signos de embriaguez, sendo sometido ás probas de detección alcohólica, arroxando un resultado POSITIVO superior a 0,60 mg/l, instruíndose dilixencias por DOUS delitos contra a seguridade viaria ao circular de forma temeraria, pondo en risco a seguridade viaria e conducir con altas taxas de alcol, inmobilizando o vehículo.

O mesmo día unha patrulla do Grupo Operativo Nocturno da Policía Local de Lugo detecta, nun control preventivo establecido na Avenida da Coruña, un condutor que presenta signos de embriaguez, sendo sometido ás probas de alcoholemia, arroxando un resultado POSITIVO de 0,53 mg/l, comprobando que CARECE de permiso de condución por non obtelo nunca, instruíndose dilixencias por delito contra a seguridade viaria na modalidade de Xuízo Rápido, inmobilizando o vehículo.

Controis de alcoholemia e drogas

Durante a fin de semana intensificáronse os controis de alcoholemia e drogas en vías do centro urbano, co seguinte balance:

• Na Avenida da Coruña detéctase un condutor que presenta signos de inxerir bebidas alcohólicas, sendo sometido ás probas de alcoholemia, arroxando un resultado POSITIVO de 0,46 mg/l.
• Na rúa San Roque é sometido un condutor ás probas de impregnación alcohólica, arroxando un resultado POSITIVO de 0,45 mg/l.
• Na rúa Santiago detéctase outro condutor que arroxa un resultado POSITIVO de 0,32 mg/l.
• Na rúa San Roque dáse o alto a un condutor que é sometido ás probas de alcoholemia, arroxando un resultado POSITIVO de 0,38 mg/l.

A estes condutores abríuselles expediente sancionador con multa de 500 euros e a retirada de 4 puntos do permiso de condución.

• Nun control establecido na Rolda das Fontiñas sorpréndense a DOUS CONDUTORES que arroxan resultado POSITIVO de 0,53 e 0,56 mg/l, respectivamente.

A estes dous condutores abríuselles expediente sancionador con multas de 1000 euros e a retirada de 6 puntos do permiso de condución.

Accidente de circulación

Na mañá do día 13 un equipo de Atestados da Policía Local de Lugo desprázase á confluencia das rúas Ourense e Betanzos xa que se producira un accidente de circulación no que un vehículo non respectara o sinal de stop, atopándose a condutora responsable do accidente baixo un cadro de ansiedade, sendo requirida a presenza dunha ambulancia que a atende no lugar, instruíndo os axentes o correspondente atestado polos danos rexistrados. (Adxúntase imaxe)

Recuperación de vehículo subtraído

Na mañá do día 12 unha patrulla da Unidade Territorial de Policía de Barrio da Policía Local de Lugo detecta un vehículo estacionado na rúa Río Ladra, comprobando a través das bases de datos policiais que figura como subtraído, sendo retirado polo Servizo de Guindastre ao Depósito Municipal onde queda a disposición de Policía Científica.