Dispositivo por KDD de vehículos

A través de redes sociais tívose coñecemento dunha KDD de vehículos na zona da Avenida de Infanta Elena, establecéndose por tal motivo un dispositivo especial, no que participaron efectivos do Grupo Operativo Nocturno da Policía Local de Lugo, co apoio de equipos da Unidade de Atestados do Corpo, empregando vehículos policiais camuflados e rotulados e un vehículo policial dotado de cinemómetro, co seguinte balance:

• Formuláronse 6 denuncias por exceso de velocidade, sendo a velocidade máxima captada de 93 km/h, en vía limitada a 50 km/h.
• Detectouse e denunciado a un condutor por condución neglixente.
• Denunciáronse dous titulares de vehículos por non presentalos a ITV no prazo debido.
• Interceptouse un vehículo con infracción por iluminación.

Así mesmo nos filtros de seguridade viaria establecidos, detectáronse SEIS condutores con taxas de alcol superiores ás reglamentariamente establecidas.

DELITOS CONTRA A SEGURIDADE VIARIA (2)

• Condutor interceptado con signos de embriaguez, arroxando un resultado POSITIVO de 0,79 mg/l.
• Condutor detido en control preventivo, arroxa un resultado POSITIVO de 0,72 mg/l.

Ambos os condutores son investigados por un delito contra a seguridade viaria na modalidade de Xuízo Rápido, inmobilizando os vehículos.

ALCOHOLEMIAS ADMINISTRATIVAS (4)

• Condutor detectado nun filtro de seguridade viaria, arroxa resultado POSITIVO de 0,58 mg/l., abríndose expediente sancionador con multa de 1.000 euros e a retirada de 6 puntos do permiso de condución, inmobilizando o vehículo.
• Condutor que se lle dá o alto e obsérvase que presenta signos de embriaguez, sendo sometido ás probas de detección alcohólica, arroxando un resultado POSITIVO de 0,50 mg/l. Sanciónase con 500 euros e a retirada de 4 puntos do permiso de condución, inmobilizando o vehículo.
• Condutor sometido ás probas de alcoholemia, arroxando un resultado POSITIVO de 0,46 mg/l. Consultada a base de datos policiais comprábase que a este condutor figúralle unha alcoholemia firme no ano anterior, polo que se propón para sanción de 1.000 euros e a retirada de 4 puntos do permiso de condución, inmobilizando o vehículo.
• Condutor que é sorprendido con signos de embriaguez, arroxando un resultado POSITIVO de 0,36 mg/l. Sanciónase con 500 euros e a retirada de 4 puntos do permiso de condución, inmobilizando o vehículo.

Accidente de circulación con alcoholemia

Na noite do día 11 un equipo de Atestados da Policía Local de Lugo desprázase ao polígono de As Gándaras xa que ao parecer produciuse un accidente de circulación, comprobando os axentes que o condutor dun camión-portavehículos desprazouse da súa traxectoria, impactando contra dous turismos estacionados, rexistrándose danos materiais, observando que presentaba signos de embriaguez, sendo sometido ás probas de detección alcohólica, arroxando un resultado POSITIVO de 0,64 mg/l, instruíndose as oportunas dilixencias.

Inspección de establecementos públicos

Durante a madrugada do día 11 unha patrulla do Grupo Operativo Nocturno da Policía Local de Lugo, realizou inspección nun local de hostalaría da Rolda das Fontiñas, levantando actas de infracción á normativa de Espectáculos Públicos de Galicia por exercer a actividade con música, cando o ten expresamente prohibido e por exceder do límite horario establecido.

Presunta agresión en vía pública

A mañá do día 12 unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que acuda á Rolda dá Muralla xa que ao parecer estase producindo unha discusión entre dous condutores, observando que un condutor sangra polo nariz, manifestando que momentos antes discutira con outro condutor por unha praza de estacionamento e que lle propinou unha puñada no nariz, achegando descrición desta persoa, que é localizada na Praza de Santo Domingo, manifestando que efectivamente tivera unha discusión cun condutor pero negando a agresión.

Os axentes requiren a presenza dunha ambulancia cuxa dotación presta asistencia ao condutor ferido, confeccionando a patrulla o correspondente parte de intervención á espera da presentación de denuncias.