A Concelleira de Muller e Benestar Social, Carmen Basadre, presentou o programa elaborado por este departamento para conmemorar o Día Internacional das Mulleres, un programa de actos que se alongará até o día 13. Trátase, como explicou, de actividades feitas por mulleres pero dirixidas a todo o público “para reivindicar a igualdade entre homes e mulleres, que é a finalidade destas actuacións”.
O día 6, martes, arrincarán os actos do programa cunha proxección no Centro Social Uxío Novoneyra, ás doce da mañá co título “O traballo invisible das mulleres”.
O vindeiro 22 de febreiro Lugo acollerá no salón de actos do Centro social Uxío Novoneyra o Foro Internacional de Comunicación e Xuventude que organiza o Colexio Profesional de Xornalistas de Galicia e o Observatorio Galego dos Medios en colaboración co Concello de Lugo.
Por segundo ano consecutivo, o Servizo Municipal de Prevención de Drogodependencias organiza un curso de formación de monitores para prevención dende o tempo de lecer que arrincará no mes de marzo e para o que esta semana pecha a inscrición.
O curso constará de setenta horas dividíndose en 50 de formación teórica e 20 de práctica.
Debido ao éxito experimentado o ano pasado, formaranse tres grupos con distintos horarios de clases.
O mércores dará comezo un curso de alfabetización informática organizado polo Concello de Lugo e destinado a persoas inmigrantes ou emigrantes retornados, que carecen de coñecementos nesta materia ou teñen un nivel básico.
O curso que dará comezo o 24 terminará o 2 de febreiro en horario de catro e media a oito e media cun total de 32 horas lectivas. Existe un máximo de 15 prazas e cada alumno disporá do seu propio ordenador.
O Centro Social Uxío Novoneyra acolle o mércores, ás sete e media da tarde, unha nova conferencia dentro do programa Vivir xuntos, convivir, posto en marcha pola Concellería de Educación, que dirixe María Dolores Vieiro.
Nesta xornada presentaranse as liñas xerais do programa co ánimo de atopar formas de colaboración coas familias para a erradicación da violencia nas aulas e fomentar a conviviencia nos centros educativos da cidade, que é a finalidade que persegue o programa.
Rosa Pulido Valero, profesora e investigadora da Universidade de Alcalá de Henares, ofrecerá unha charla c
A Concelleira de Servizos Sociais, Carmen Basadre, anunciou hoxe que non existe lista de espera para os centros de día, xa que coa apertura de novas prazas na residencia Sanyres foron admitidos os que quedaban.
É a primeira vez que se da esta situación nesta lexislatura. Esta situación estivo condicionada polo aumento do orzamento destinado a centros de día. No 2003 había 40 prazas en réxime de horario reducido e no 2007 xa hai 75.
O Servizo de Prevención de Drogodependencias, integrado na Área de Muller e Benestar Social, que dirixe Carmen Basadre, inicia mañá, venres, o curso de vixilante de seguridade, que se impartirá a cargo do Grupo Cetssa.
Este curso está subvencionado polo Plan Nacional de Drogas e o Concello de Lugo, o que fixo que quedase reducido a un tercio o prezo do curso, que normalmente ronda os 900 euros e polo que agora se pagarán 320.
Un total de vinte persoas, conformando un grupo mixto, inscribíronse nesta acción formativa, cubrindo deste xeito todas as prazas.
O Alcalde de Lugo, José López Orozco, defendeu as competencias municipais dentro dos servizos sociais. “Os concellos temos aquí un gran papel. Equivócase quen non quera contar cos concellos pola proximidade que temos cos veciños”, dixo.
O Concello de Lugo abriu hoxe o proceso para a contratación das obras de supresión de barreiras arquitectónicas no aparcadoiro subterráneo da praza da Constitución.
Así se aprobou hoxe en Xunta de Goberno Local. Deste xeito, o Concello contará nos próximos meses con todos os seus aparcadoiros públicos accesibles, xa que Santo Domingo xa ten o ascensor en funcionamento e o de praza do Ferrol está en obras. Deste xeito cúmplense as promesas realizadas polo equipo de goberno nesta materia.
O proceso de contratación ábrese para a presentación de propostas por parte das empresas.
Un total de 856 alumnos do primeiro ciclo de Secundaria de nove centros de ensino da cidade de Lugo participan mañá, venres, nunha nova xornada de Cine Ensino, organizada polo Servizo de Prevención de Drogodependencias.
Trátase da segunda proxección do curso actual e nela poderá verse a película Sky High, una escuela de altos vuelos. Como sempre, haberá dúas sesións, ás dez e ás doce, as dúas no Auditorio Gustavo Freire.
Con este filme tratarase a búsqueda de emocións e sensacións.
Páxinas
- « primeira
- ‹ anterior
- …
- 314
- 315
- 316
- 317
- 318
- 319
- 320
- 321
- 322
- seguinte ›
- última »