O pasado 20 de abril comezou o período de cobro do Imposto de Vehículos de tracción mecánica (IVTM) e que rematará o vindeiro venres 20 de xuño.Este imposto, con periodicidade anual, afecta a todos os propietarios de vehículos dados de alta no Concello de Lugo.

Por outra banda, tamén o día 20 de xuño remata o prazo de pagamento do recibo de subministro de auga e recollida de lixo correspondente ao segundo trimestre do ano.

Como sempre, todos aqueles que teñen domiciliado o pagamento, este pasarase directamente pola súa conta, mentres que todos os demais terán que facer efectivo o pagamento a través das oficinas municipais.

O Concello lembra que de non facer o pagamento en tempo voluntario, incrementarase a cuantía cun recargo e posteriormente pasaría a realizarse o cobro por recadación executiva.