Abertas as inscricións para o curso homologado de CAP, permiso C e mercancías perigosas que ofrece o Concello a través do +Xti

As persoas interesadas nesta actividade gratuíta poderán inscribirse ata o vindeiro venres, 28 de agosto, enviando un correo electrónico ao enderezo maisporti2020@lugo.gal

 
Luns, 24 de agosto de 2020
Fonte: 
Gabinete de Prensa
Abertas as inscricións para o curso homologado de CAP, permiso C e mercancías perigosas que ofrece o Concello a través do +Xti

A Concellería de Muller, Igualdade e Xuventude, que dirixe Ana Abelleira, abriu este luns o prazo de inscrición para o curso homologado de CAP, permiso C e mercancías perigosas, que ofrece o Concello a través da programación do +Xti, organizada pola entidade local e subvencionada polo Plan Nacional de Drogas.

Os destinatarios deste curso, que conta con 11 prazas, son lucenses de 18 a 55 anos, empadroados en Lugo.

As persoas interesadas nesta actividade gratuíta poderán inscribirse ata o vindeiro venres, 28 de agosto, enviando un correo electrónico ao enderezo maisporti2020@lugo.gal. No asunto débese especificar “Inscrición ao curso de CAP, Permiso C e Mercancías perigosas” e o texto do mail debe incluír a seguinte  información: nome e apelidos, DNI/NIE, enderezo, teléfono e data de nacemento. As admisións serán por rigorosa orde de inscrición e máis unha entrevista ata cubrir prazas.

O curso terá lugar dende o 7 de setembro ata o 30 de outubro de 19:45 ata as 23:00 horas, no Centro de Formación do Transporte de Lugo.

Este curso, súmase ao tamén curso homologado de manexo de carretillas elevadoras, que se realizou, abeiro do +Xti, o pasado mes de xullo, co total de prazas cubertas.

Audio

 

Multimedia

  • Abertas as inscricións para o curso homologado de CAP, permiso C e mercancías perigosas que ofrece o Concello a través do +Xti

Noticias relacionadas