O goberno de Lara Méndez, a través do Servizo de Prevención de Drododependencias e outras adiccións, adscrito á concellería de Xuventude que dirixe Mauricio Repetto, ofrece a posibilidade a dez desempregados de Lugo, de entre 18 e 40 anos, de participar nun novo curso gratuíto de Prevención de Riscos Laborais no sector da construción e metal.

A formación, impartirase nas instalacións de Formación Zertín (Polígono do Ceao), tal e como anunciou hoxe o edil de Xuventude, e terá lugar, tanto de forma online coma presencial. “A actividade, que é gratuíta, ten como finalidade sensibilizar sobre os diferentes tipos de risco que poidan darse no ámbito laboral, así como proporcionar ensinanzas prácticas para desenvolver, primeiros auxilios” explicou o edil.

As inscricións pódense realizar desde o luns 18 de abril ata o día 20 do mesmo mes, a través da web lugomasxti.org.

Horario do curso

Lugar de realización: Formación Zertín

• Sábado, 30 de abril, das 08 ás 15.00 h
• Sábado, 07 de maio, das 08 ás 15.00 h
• Sábado, 21 de maio, das 08 ás 14.00 h