O Concello de Lugo reforzará na vindeira fin de semana con máis efectivos da Policía Local, a maiores dos servizos habituais, a presenza policial na  zona da Piringalla e Milagrosa para garantir a seguridade e a convivencia cidadá. Deste xeito, a entidade local da resposta ás demandas dos veciños que pedían maior control na zona debido ás infraccións de tráfico cometidas nestes barrios.

Ademais, con esta acción, a entidade local pretende dar unha resposta máis rápida e efectiva ante posibles incidentes ao tempo que se evitan os mesmos polo efecto disuasorio da presenza dos axentes.