O Concello de Lugo secundou este xoves a manifestación en apoio ao sector lácteo convocada pola Plataforma en Defensa do Sector Lácteo Galego en Vilalba. Deste xeito, a entidade local reforza unha vez máis o seu compromiso cun sector “fundamental” para Lugo. O voceiro municipal e Concelleiro de Medio Rural, Miguel Fernández, participou nesta mobilización para esixirlle ao Goberno Central e á Xunta de Galicia “solucións políticas inmediatas” que poñan fin á situación “insostible” que están a vivir os gandeiros.