As distintas actividades, entrevistas, concursos de preguntas, de fotografía ou pintura, serán grabadas pola Fundación TIC para a elaboración dun documental

A Concelleira de Muller e Benestar Social, Carmen Basadre, presentou hoxe “Maiores Dez”, unha actividade incluida na marca Lugo10, que pretende conmemorar o Décimo Aniversario da Muralla de Lugo como Patrimonio Mundial, e que está financiado polo Ministerio de Cultura.

Esta é a segunda parte dun programa que pretende achegar a Muralla Romana aos cidadáns, e que durante o verán, xa desenrolou múltiples actividades cos máis cativos.
Agora é o turno das persoas máis maiores, en total, e segundo sinalou a Concelleira de Muller e Benestar Social, “serán unhas 100 persoas das zonas dos centros do Maruja Mallo, Trapero Pardo e Fingoi, e se divividirán en 4 grupos”.

Durante os meses de novembro e decembro, os participantes farán visitas guiadas ao Centro de Interpretación e a propia Muralla Romana. Os máis maiores compartirán as súas vivenzas e lembranzas en torno ao monumento romano. Unhas actividades, dirixidas aos máis maiores, que pretenden combatir a pérdida de memoria, potenciando recordos vividos no pasado.

Ademáis, haberá concursos, según sinalou Carmen Basadre, “participarán nun concurso de preguntas sobre a Muralla, ademáis dun certamen de pintura e fotografía, tamén en torno ao monumento”. Os traballos gañadores serán expostos na páxina web do Concello e de Lugo10, así como nos propios Centros de Convivencia.

O final do proxecto será un documental realizado pola Fundación TIC, que grabará entrevistas feitas entre os propios participantes, impresións, así como as diversas actividades realizadas no taller.

www.lugo10.es [1]