Felipe Rivas: “queremos eliminar tabús sobre a transexualidade nos centros de ensino”
A concellería busca colaborar con distintas entidades para ofertar aos centros de ensino charlas sobre diversidade
O concelleiro de educación mantivo unha xuntanza coa asociación ARELAS
- Tema
- Educación,
- Centros de ensino,
- Igualdade,
- Linguaxe sexista,
- Igualdade de dereitos
O concelleiro de Educación e Difusión do Coñecemento, Felipe Rivas, mantivo unha xuntanza coa asociación de familias de menores trans ARELAS. Segundo indicou Felipe Rivas, “o obxectivo desta xuntanza é iniciar a colaboración con entidades e asociacións para conseguir centros de ensino libres de armarios”.
“A nosa intención é achegar á mocidade información sobre a transexualidade, un punto cego da educación afectivo sexual que parece seguir a ser tabú”, indicou Felipe Rivas, que engadiu “pretendemos achegar á mocidade información para evitar o rexeitamento ao descoñecido e camiñar de cara a calquera opción afectiva”.
Felipe Rivas indicou que “seguiremos contactando con diversos colectivos para ter, para o vindeiro curso, unha ampla oferta de programación para os centros de ensino que a desexen”.
Audio
- O concelleiro de Educación e Difusión do Coñecemento, Felipe Rivas, sobre a educación da igualdade| Descargar mp3 [1]