Este luns dará comezo a programación de tardeos impulsada polo Goberno de Lara Méndez, dentro do movemento Localmente Lucense, para o mes de xullo. A praza Anxo Fernández Gómez acollerá o primeiro tardeo deste mes que contará con xogos infantís, pasarrúas con carriño musical e unha sesión DJ. Neste senso, a rexedora lembrou que “este verán retomamos os tardeos e noiteos no marco do Plan de dinamización de barrios, a través do que buscamos incentivar as compras e o consumo nos establecementos de proximidade da cidade”.

Os tardeos naceron o pasado ano para adiantar o horario das actividades de animación nas rúas en horario máis temperán, de 17:00 a 20:00 horas, pensando especialmente nos e nas máis pequenas. “Esta iniciativa serve, así mesmo, para fomentar as relacións interxeracionais entre a veciñanza e a socialización”, apuntou a rexedora.

En total, ao longo do mes de xullo celebraranse 14 tardeos, que se completarán con concertos, monólogos e teatro a través dos noiteos, en horario de 21:00 a 23:00 horas. O primeiro noiteo deste mes de xullo terá lugar este mesmo venres, na rúa Bispo Aguirre, coa actuación musical de Iria Estévez “Atlántica”. O resto de programación de noiteos, xunto con toda a información puntual de actividades, que se desenvolve desde a concellería de Desenvolvemento Local e Emprego poderase consultar a través da seguinte ligazón: https://localmentelucense.gal/ [1]

Datas e ubicacións dos tardeos no mes de xullo:

LUNS 4

• Pr. Anxo Fernández Gómez
• Xogos de Feira no teu Barrio
• DJ Marcos Peón

MÉRCORES 6

• Pr. Agro do Rolo
• Cirqueando na praza
• DJ Leivas

VENRES 8

• A Ponte
• Xoguemos cos avós: xogos populares galegos
• DJ Jaypee

LUNS 11

• Praza Roxa de Fingoi
• Festa e bailes na praza
• DJ Fetén!

MARTES 12

• Pr. da Soidade
• Funny Photocall
• DJ Mr. Think

MÉRCORES 13

• Pr. do Camiño Primitivo
• Xogando no Barrio: xogos xigantes
• DJ Zé Pequeno

XOVES 14

• Pr. da Milagrosa
• Xogo de palas: Spiribol Challenge
• DJ Alex Nite

LUNS 18

• Fonte dos Ranchos
• Tardeo con maxia, co Mago Lolo
• DJ Leivas

MARTES 19

• Pr. Viana do Castelo
• Xoguemos cos avós: xogos populares galegos
• DJ Popy García

MÉRCORES 20

• Ronda das Mercedes (esquina Avda. Madrid)
• Festival da Reciclaxe
• DJ Lanetti Jr.

VENRES 22

• Rúa Rafael de Vega
• Festa e bailes na túa praza
• DJ La Sombra del Humo

MARTES 26

• Pr. Campo Castelo
• Xogando no Barrio: xogos xigantes interxeracionais
• DJ Marcos Peón

MÉRCORES 27

• Pr. da Milagrosa
• Conto Contigo con Trastenda dos Contos
• DJ Fetén!

VENRES 29

• Pr. do Castiñeiro
• Xogo de palas: Spiribol Challenge
• DJ Juan Chousa