Dez novos bombeiros interinos tomaron posesión hoxe, sumándose ao equipo do Parque de Bombeiros local, despois de realizar o proceso de oposición libre.

A rexedora, acompañada da tenente de alcaldesa de Gobernanza, Paula Alvarellos, apuntou que, con estas novas incorporacións o Parque conta cun total de 54 bombeiros, anunciando que “nos vindeiros días, tomarán posesión 2 novos bombeiros en réxime de interinos, elevando o a 56 o número total”.  Alabou o esforzo realizado polo novos interinos e deulles a benvida a “un servizo moi querido pola sociedade lucense pola labor que desenvolvedes, e estamos seguros de que o voso traballo estará a altura das expectativas”, comentou.

Informou, ademais, que a Xunta de Goberno Local desta semana aprobará o compromiso de incluír 2 prazas nas OPE de 2024, en previsión da xubilación de dous bombeiros neste exercicio.