O Servizo de Información Municipal 010 é o principal medio de comunicación e de contacto entre o Concello e os cidadáns. É un servizo moderno e áxil que abre a administración local á comunicación coa cidadanía de Lugo, sexa por teléfono ou correo electrónico.

O 010 facilita información sobre servizos e trámites municipais, actividades, actos e programación das diversas concellerías, así como sobre os eventos que teñan lugar na nosa cidade. Asemade, é o servizo de recepción de alertas e avisos, de avarías e suxestións.

Calquera persoa pode chamar, simplemente marcando o número 010 dentro do termo municipal de Lugo (982 297 350 dende fóra do municipio), tanto dende teléfonos fixos como dende móbiles. O custo da chamada é o dunha chamada local. Tamén é posible contactar a través do email 010@lugo.gal [1].

O horario de servizo é de 8:30 da mañá a 18:30 da tarde de Luns a venres.

010 Accesible

[2]	O 010 é un servizo accesible,  permitindo que as persoas xordas poidan realizar as súas consultas a través de distintos medios dispoñibles no Buzón de consultas para persoas xordas [2].
[3]	A través do 010, as persoas xordas podén asimismo solicitar acompañamento dun intérprete de signos [3] para as súas xestións co Concello.