Lara Méndez presentará el libro ‘Libres e Vivas’ al alumnado de los institutos para concienciar contra la violencia de género
Xunto á alcaldesa, estarán a concelleira de Igualdade e os autores, que incidirán na necesidade de avanzar na igualdade e no rexeitamento de todas as violencia machistas.
O Goberno local reedita esta obra, que entregará aos estudantes neste acto.
- Tema
- Alcaldía,
- Agenda institucional,
- Cultura y turismo,
- Programación cultural,
- Bibliotecas y archivos,
- Gestión cultural,
- Igualdad,
- Igualdad de derechos,
- Lenguaje sexista,
- Violencia de género,
- Inclusión
A alcaldesa de Lugo, Lara Méndez, presentará o libro ‘Libres e Vivas’ a alumnado de 4º E.S.O e 1º de B.A.C nun acto que se celebrará o 27 de outubro, ás 11.00 horas, no Auditorio Municipal Gustavo Freire, co obxectivo de “lanzarlles unha mensaxe de concienciación sobre a necesidade de erradicar a violencia machista desde idades temperás e dar a coñecer os recursos de prevención que están a disposición das mulleres”, sostén a rexedora.
Xunto a alcaldesa estarán a concelleira de Muller, Silvia Alonso, o director da Editorial Galaxia, Francisco Conde, así como María López Sández e María Xosé Porteiro, dúas das autoras participantes do volume.
“Este libro aborda a cuestión do machismo, da igualade e do terrorismo patriarcal contra as mulleres”, avanza a edil, que explica que a concellería asume a reedición de 2.000 exemplares, dunha obra escrita por importantes autoras galegas contemporáneas, que serán cos que se agasallen aos participantes do acto.
A Concellería pon en marcha esta actividade, na que a través da literatura pretende chegar aos máis novos e novas, “co obxectivo de avanzar no desexo da igualdade e no rexeitamento de todas e cada unha das formas de violencia contra as mulleres”.
“Somos conscientes de que o cambio que todas e todos desexamos en materia de igualdade precisa da colaboración de todos os colectivos da sociedade, pero é moi importante dentro da comunidade educativa, xa que a grave situación da violencia de xénero non se resolverá sen a implicación e o compromiso e cambios na educación” apuntaba a Silvia Alonso.
Anxos Sumai, Berta Dávila, Charo Pita, Elisabeth Oliveira, Esther F. Carrodeaguas, María Canosa, María López Sández, María Xosé Porteiro, Mercedes Queixas e Paula Carballeira son as dez autoras dunha obra publicada pola editorial Galaxia que, desde diferentes puntos de vista, falan da igualdade e violencia machista.
- Documento 1 | Descargar pdf [1]
- Documento 2 | Descargar pdf [2]