O Concello organiza obradoiros de confección de prendas para o Arde Lucus
- Tema
- Cultura e Turismo
Martes, 23 de abril de 2013
Fuente:
Gabinete de Prensa
A Concellería de Cultura, Turismo, Xuventude e Promoción da Lingua organiza dous obradoiros para confeccionar prendas e complementos para a festa do Arde Lucus.
Un dos obradoiros é para a confección de vestiario e o outro para aprender a facer complementos como sandalias, coroas de flores, grebas, brazaletes e muñequeiras, entre outros.
Estas actividades desenvolveranse na Casa da Xuventude todos os sábados, ata o 8 de xuño, entre as 11.00 e as 13.00 horas.
As persoas interesadas en participar neles deben levar tanto as telas como os outros materiais necesarios para a confección dos complementos.