A Concelleira de Cultura tamén invitou a todos os lucenses a asistir á zarzuela La verbena de la Paloma no Auditorio

A Concelleira de Cultura, Turismo, Xuventude e Promoción da Lingua, Carmen Basadre, presentou esta mañá a programación para de actividades previstas para o vindeiro trimestre do programa MAX (Movida Alternativa Xuvenil), que dará comezo hoxe venres día 11 de xaneiro e rematará o 8 de xuño.

A maioría das actividades terán lugar na Casa da Xuventude, algunhas delas comezan no mes de febreiro e precisan de inscrición previa xa que só teñen 15 prazas. O prazo para as inscricións previas son ata o 31 de xaneiro na Oficina de Información Xuvenil sita no Centro de Convivencia Uxío Novoneyra.

Carmen Basadre informou que “este ano se inclúe un curso de cociña para aprender receitas sinxelas e económicas porque a Casa da Xuventude xa dispón dunha cociña para poder facer estas actividades” ademais anunciou que “todos os mozos e mozas poderán aprender nesa cociña a elaborar produtos de sobremesa do Entroido”.

Actividades MAX

Actividades dos venres

19.30h – 20.30h Como falar en público. (Comeza a partir de febreiro e é necesaria inscrición previa)

17.00h – 19.00h Curso de iniciación ao inglés. (Comeza a partir de febreiro e é necesaria inscrición previa)

20.30h – 21.30h Pilates.

19.30h – 21.30h Curso intermedio ao Inglés. (Comeza a partir de febreiro e é necesaria inscrición previa)

21.30h – 23.00h Tiro con Arco (Galería de tiro do parque de A Milagrosa)

23.00h – 00.30h Patinaxe-Xoquei en liña (Polideportivo de A Piringalla) HL Lugo

Actividades dos sábados

19.00h – 20.00h Ioga

20.00h – 21.00h Curso de Cociña económica (Comeza a partir de febreiro e é necesaria inscrición previa, Cociña da Casa da Xuventude)

20.00h – 21.30h Curso de retoque fotográfico (Comeza a partir de febreiro e é necesaria inscrición previa)

20.30h - 22.00h Tenis de mesa (Parque da Milagrosa) CD Dez Portas

Os venres e sábados de 17.00 a 00.30 horas a Casa da Xuventude ofrece a posibilidade de xogar coa Wii, con xogos de enxeño, con plataformas de baile, billar, ping-pong, Internet... Todas as actividades son gratuítas e de entrada libre.

Zarzuela no Auditorio

A Concelleira de Cultura, Carmen Basadre, acompañada pola Directora do Centro de Música de Fingoi, Asunción Fernández Puentes, a cantante, Pilar Martinez, o Director da Banda de Xove, Manuel Gayol, e a Directora da Escola de Danza Teresa Neri, Teresa Neri, presentaron o espectáculo de La verbena de la Paloma que terá lugar no Auditorio Gustavo Freire o domingo 13 ás 19:00. A entrada é de balde.