Mañá, día 30 de outubro, remata o prazo para a presentación de orixinais a dous certames convocados pola Concellería de Benestar Social e Igualdade para fomentar entre a mocidade condutas contrarias á violencia de xénero e á desigualdade.

Trátase do I Certame de Narrativa Xuvenil “Entre Iguais” e do I Certame de Fotografía “Revelando o Machismo”.

O certame de Narrativa Xuvenil, diríxese a mozos de 12 a 17 anos. Cada participante pode presentar un máximo de tres orixinais e establécense tres premios: o primeiro dotado con diploma e premio valorado en 300 euros, o segundo con diploma e premio valorado en 200 euros e o terceiro con diploma e premio valorado en 100 euros.

En canto ó certame de Fotografía, pódense presentar todas as persoas que o desexen cun máximo de tres fotografías. Haberá un primeiro premio dotado con diploma e 500 euros e o finalista recibirá un diploma.

Os prazos para a presentación de obras a estes dous certames foron ampliados ata mañá, 30 de outubro, para darlle a oportunidade a todos os interesados a presentar os seus traballos.

Bases e máis información [1]