As competicións contan con máis de 400 parellas inscritas

O Alcalde de Lugo, José López Orozco, o Concelleiro de Deportes, José Manuel Díaz Grandío, o Vicepresidente da Deputación de Lugo, Antón Bao, o Xefe da Sección de Deportes da Xunta de Galicia, Ángel Fiz, e Berta Figueras pola Escola de Baile Star Dance, presentaron esta mañá o Campionato de España Latinos 2011, o III Trofeo Cidade de Lugo e o I Trofeo Lucus, que se disputarán este sábado e domingo no Pazo dos Deportes de Lugo.

O Alcalde quixo salientar o gran traballo e ilusión coa que se traballou dende a Escola de Baile Star Dance para achegar a cidade o Campionato de España de bailes deportivos, e que conta coa colaboración do Concello, a Deputación e a Xunta. López Orozco destacou que a celebración deste Campionato na cidade “é un éxito para Lugo, que será noticia por facer ben as cousas e atraer a moita xente”, e animou a todos os cidadáns a disfrutar co baile.

Segundo destacou Berta Figueras, onte pecháronse os listados de inscritos, que ascende a 400 parellas, que chegan dende Galicia, pero tamén dende outros puntos de España, sobretodo de Palma de Mallorca, Valencia, Madrid e Barcelona. Así, e segundo explicou Figueras, o III Trofeo Cidade de Lugo conta con 250 parellas, o I Trofeo Lucus Augusti con 100, e o Campionato de España Latinos 2011 con ao redor de 200 parellas.

O I Trofeo Lucus Augusti celebrarase o sábado día 7, o III Trofeo Cidade de Lugo se desenvolverá na xornada do domingo, e o Campionato de España Latinos 2011 será nas dúas xornadas, que darán comezo as 9.00 horas. Todas elas serán no Pazo dos Deportes de Lugo.

A venda de entradas será no Pazo dos Deportes, e será de entrada gratuíta para os menores de 10 anos; a entrada para maiores de 10 anos será de 15 euros para unha xornada e de 25 para as dúas xornadas; para os maiores de 65 anos os prezos serán de 10 euros para un día e de 15 euros para os dous días.

Máis información na páxina web: http://latinos.bailaconmigo.com [1]