O Alcalde de Lugo, José López Orozco, e o Concelleiro de Réxime Interior, José Rábade, mantiveron hoxe unha xuntanza cos órganos directivos da Xunta de Persoal do Concello.

Os representantes do Goberno Local recibiron, ó redor das 13:00 horas no Salón de Comisións da Casa Consistorial, ó Presidente da Xunta de Persoal, e demáis membros.

O Alcalde comunicoulles a súa clara intención de acadar, para os traballadores, o máximo nivel de melloras económicas e sociais que permita a legalidade. Ademais, López Orozco, dixo que o seu obxectivo será lograr un grao maior de estabilidade na plantilla,  pedindo iso sí, que o diálogo se leve a cabo nas mesas de negociación.  Para o Alcalde estes son os principios que rexerán a política de persoal nesta etapa.

O obxectivo do Goberno Local é chegar a unha política de persoal global entre todos os traballadores para facer máis efectivo o funcionamento do Concello.