A Concelleira de Cultura, Turismo  Promoción da Lingua, Maite Ferreiro, acompañada por Julián Alonso, da Sociedade Micolóxica Lucus presentaron a XVIII Exposición de Cogumelos. A mostra terá lugar no Colexio Rosalía de Castro durante o domingo 3 de novembro, en horario de 11:00 a 14:00 horas e de 16:00 a 20:30 horas, e será de entrada gratuíta.

Maite Ferreiro sinalou que “é de agradecer o traballo que están facendo dende a Sociedade Micolóxica non só na labor divulgativa senón tamén con numerosas actividades que organizan para achegarnos  e dar a coñecer a toda a veciñanza o mundo da micoloxía”.

Na exposición cada exemplar está acompañado por unha ficha técnica da especie en cuestión onde se indican datos como o seu hábitat, se é comestible ou non, ou a súa toxicidade, ademais dunha pequena exposición fotográfica e un espazo audiovisual segundo sinalou Julián Alonso.

Audios

• Julian Alonso, sobre a XVIII Exposición de Cogumelos | Descargar mp3 [1]
• Maite Ferreiro, sobre a XVIII Exposición de Cogumelos | Descargar mp3 [2]