A Concelleira de Cultura, Turismo, Xuventude e Promoción da Lingua, Carmen Basadre, e o presidente da Sociedade Micolóxica Lucus, Julián Alonso, presentaron este venres no Salón de Plenos a XIV Exposición de Cogomelos, que acollerá o Colexio Rosalía de Castro o vindeiro 6 de novembro.

Carmen Basadre lembrou que “outro ano máis o Concello colabora coa Sociedade Micolóxica Lucus para promover esta serie de iniciativas que poñen en valor os recursos forestais que temos no noso municipio”. A edil tamén felicitou a esta entidade polo impulso e, sobre todo, a información que aporta aos afeccionados á colleita de cogomelos.

Ademais, a Concelleira animou a todos os lucenses a asistir a esta exposición, “onde poderemos observar a gran variedade de fungos que temos no noso entorno, pero tamén recibir información de cada unha destas variedades, posto que cada exemplar irá acompañado por una ficha técnica con todo o necesario para que sexan recoñecidos”.

Julián Alonso fixo fincapé na importancia de coñecer ben as variedades para evitar riscos innecesarios. Agradeceu e lembrou “a estreita colaboración que están a prestar, tanto o Concello como o Colexio Rosalía de Castro para levar a cabo estas exposicións que xa chegan á súa decimo quinta edición”.

Esta edición, na que estarán expostas preto de 250 especies deste fungo, terá lugar en horario de 11:00 a 14:00 e de 16:00 a 20:00 horas. A entrada é gratuíta.