A área de Xuventude, que dirixe Ana González Abelleira, propón, dende hoxe, á mocidade lucense afondar no receitario galego a través dunha serie de talleres de cociña online.

Esta programación enmárcase nas actividades para a Xuventude Activa do primeiro semestre do ano e, ao longo dos vindeiros meses, tratará de achegar á rapazada á gastronomía do país, logo de ter repasado xa a hindú, ceutí, mexicana, vietnamita ou do norte de África, entre outras rexións; ademais de platos típicos do Nadal ou do Entroido.

Os obradoiros, que teñen carácter telemático, poderán seguirse nas redes sociais oficiais de Xuventude de Lugo, todos os luns, ás 19:00 horas ata finais de xuño. Arrincarán esta tarde coa receita da queixada.