A XIX Exposición de Cogumelos, organizada pola Sociedade Micolóxica Lucus, terá lugar o vindeiro 7 de novembro
Maite Ferreiro presentou a exposición que conta co apoio da área de Cultura Cultura do Concello, xunto con representantes da sociedade micolóxica lucus
A exposición estará aberta de 11 a 14 e de 16 a 20:30 horas, e será de entrada gratuíta
- Tema
- Cultura e Turismo,
- Programación cultural,
- Xestión cultural,
- Medio ambiente,
- Medio rural
A Concelleira de Cultura, Turismo e Promoción da Lingua, Maite Ferreiro, acompañada por Julián Alonso, da Sociedade Micolóxica Lucus presentaron a XIX Exposición de Cogumelos. A mostra terá lugar no Colexio Rosalía de Castro durante este domingo, 7de novembro, en horario de 11:00 a 14:00 horas e de 16:00 a 20:30 horas, e será de entrada gratuíta. A edil de cultura presentou o evento xunto con Julián Alonso, presidente da Sociedade Micolóxica Lucus.
Maite Ferreiro destacou que "o traballo que están facendo dende a Sociedade Micolóxica non só na labor divulgativa senón tamén con numerosas actividades que organizan para achegarnos e dar a coñecer a toda a veciñanza o mundo da micoloxía".
Na exposición cada exemplar está acompañado por unha ficha técnica da especie en cuestión onde se indican datos como o seu hábitat, se é comestible ou non, ou a súa toxicidade, ademais dunha pequena exposición fotográfica e un espazo audiovisual.
Audio
- A Concelleira de Cultura, Turismo e Promoción da Lingua, Maite Ferreiro, sobre a Exposición de Cogomelos | Descargar mp3 [1]
- O presidente da Sociedade Micolóxica Lucus, Julián Alonso, sobre a Exposición de Cogomelos | Descargar mp3 [2]