Tres estudantes universitarios de Xapón comezaron este xoves a facer prácticas no Concello de Lugo traducindo información turística sobre a cidade ao idioma xaponés, que despois se poñerá a disposición dos visitantes nas oficinas de turismo. A iniciativa é froito do programa Vía Lácea, que promove o intercambio cultural entre universidades europeas e de Asia no campo das Humanidades.

Os estudantes que están a traballar no Concello dende hoxe e ata o día 20 de abril son Tamaki Kawagoshi, da poboación de Kagawa e estudante da Universidade de Aichi Provincial; Moe Yoneda, de Aichi e tamén do centro de Aichi Provincial, e Izuho Kasahara, de Niigata e alumno da Universidade de Kanazawa.

Os tres realizarán nas dependencias da casa consistorial traduccións de toda a información turística do municipio que figura na páxina web, sobre o Arde Lucus e o San Froilán e tamén das guías Lugo Monumental e Lugo Romano.

Tamaki Kawagoshi e Moe Yoneda mantiveron un encontro esta mañá coa Alcaldesa, Lara Méndez, quen lles desexou unha boa estancia na cidade e lles agradeceu o traballo que van a desenvolver, pois contribuirá a “facilitar información a visitantes dunha nacionalidade como a xaponesa, que cada vez veñen máis a Lugo e que nos interesa atraer, no marco do noso compromiso co impulso da actividade turística”.

No marco do programa Vía Láctea, os universitarios están dez semanas en Lugo e outras dez en Portugal.