Tonina Gay da inicio ás actividades da semana cultural do San Froilán, organizadas pola área de Cultura
O pregón da semana cultural puido seguirse en directo a través da radio e na páxina de Facebook da Concellería de Cultura
- Tema
- Animación sociocultural,
- Cultura e Turismo,
- Promoción turística,
- Programación cultural
A xornalista Tonina Gay foi a encargada de dar inicio no salón de plenos do Concello á semana cultural do San Froilán, que desde a área de Cultura se organizou para reactivar o sector cultural e promocionar ás agrupacións locais. A edil de Cultura, Maite Ferreiro, destacou que “máis de 50 agrupacións locais actuarán nesta semana cultural”, e afirmou que “nos recintos dos concertos cumpriranse todos os protocolos emitidos polas autoridades sanitarias”.
A edil de Cultura lembrou, tamén, que seguimos estando nunha situación de emerxencia sanitaria, e pediu novamente á veciñanza “que nas reunións familiares que se produzan estes días se cumpran todos os protocolos coa mesma responsabilidade que Lugo vén demostrando nos últimos meses”.