O Tenente Alcalde do Concello de Lugo, Rubén Arroxo, e o edil de Infraestruturas Urbanas, Alexandre Penas, visitou hoxe a rúa Salvador de Madariaga, onde veñen de comezar os traballos de reconstrución do firme para dar solución ás incidencias da rúa. Alexandre Penas destacou que a Tenencia de Alcaldía traballa "para garantir as mellores condicións de seguridade nos espazos urbanos".

A Tenencia de Alcaldía realizará estes traballos de reconstrucción do firme en dúas fases (dende Avenida Ramón Ferreiro ata inmoble número 16 e dende inmoble número 20 ata a Praza Bretaña), executándose os traballos o hoxe, luns 25 e mañá, martes 26. Durante o desenvolvemento dos traballos garantirase o acceso a residentes e ao aparcadoiro polo treito non afectado polas obras.

A actuación céntrase na mellora da capa de rodadura. O proxecto prevé o fresado superficial de toda a superficie, e a habilitación dunha nova capa de rodadura baseada en mestura asfáltica en quente, coas características técnicas axeitadas, garantindo así a durabilidade dos traballos executados. Ademais, procederase ao repintado da sinalización horizontal afectada pola intervención, incluíndo liñas continuas e discontinuas, pasos de peóns, cebreados ou frechas.

Audio

• Alexandre Penas, sobre o firme da rúa Salvador de Madariaga | Descargar mp3 [1]