A Tenencia de Alcaldía e a Casa Grande de Xanceda homenaxean ao rural galego na praza Maior de Lugo
A Tenencia de Alcaldía e a Casa Grande de Xanceda homenaxean ao rural galego na praza Maior de Lugo.
O escultor en madeira Yosi Fervenza rematou en Lugo a imaxe dunha vaca e un carballo, coa que Xanceda e o Concello de Lugo realizan "un monuUumento ao rural".
A imaxe poderá visitarse durante unha semana na praza Maior.
- Tema
- Benestar social,
- Cultura e Turismo,
- Programación cultural,
- Medio rural,
- Dinamización rural,
- Urbanismo
A Tenencia de Alcaldía do Concello de Lugo colabora coa Casa Grande de Xanceda na homenaxe ao rural galego organizada baixo o nome "un monuUumento ao rural". Durante a xornada de hoxe, a Casa Grande de Xanceda colocou un posto informativo na praza Maior, onde se puideron degustar os seus productos, e o artista Yosi Fervenza, gañador de diversas competicións de talla en madeira, rematou a talla dunha vaca e un carballo na propia praza. O Tenente de Alcaldesa do Concello de Lugo, Rubén Arroxo, e a Concelleira de Cultura, Turismo e Promoción da Lingua, Maite Ferreiro, participaron na apertura do acto, onde destacaron "a importancia do rural para a vida de todas as galegas e galegos". O acto tamén coa presencia do Xerente da Casa Grande de Xanceda, Guillermo Martínez Ruiz.
A imaxe adicada por Xanceda e a Tenencia de Alcaldía compóñena unha vaca e un carballo, dous elementos que representan a esencia do rural galego. O encargado de esculpir a estatua é o artista galego Yosi Fervenza. Fervenza é un afamado artista de exhibición e corte en tronco con motoserra, técnica que usou para A Vaca e o Carballo. A madeira utilizada é dunha árbore autóctona impoñente, derrubada por un temporal na propia Casa Grande de Xanceda.
Esta iniciativa pretende igualar os monumentos adicados ás cidades, como o Oso e o Madroño ou a Catedral de Santiago, mais co rural galego, concienciando tamén sobre a importancia dos gandeiros e os agricultores para a sociedade e da necesidade de apoiar o rural galego para evitar abandono, monocultivos e incendios.
O Tenente de Alcaldesa destacou a importancia da agricultura ecolóxica e da transformación das materias primas como "un gran potencial económico para Galiza", e afirmou que "xerar valor engadido con permite a pequenas explotacións gandeiras converterse en referentes do comercio de proximidade". Segundo Rubén Arroxo, a actividade agrogandeira é un fornecedor de alimentos e de defensa da natureza, medio ambiente, biodiversidade animal e vexetal, e garantes do territorio e da paisaxe.
Audio
- O edil Rubén Arroxo, sobre a Casa Grande de Xanceda | Descargar mp3 [1]