O Concello colabora co V Campionato Intercultural de fútbol 7 Copa da Amizade, que pretende fomentar a convivencia entre todos os veciños e veciñas, independentemente do seu lugar de nacemento

O Concelleiro de Deportes e Medio Rural, Miguel Fernández, e a Concelleira de Benestar Social, Igualdade e Inclusión, Ana Abelleira, xunto cos representantes das asociacións Rioplatenses de Lugo, Ana Bereciartúa, e de Perú-Lugo, Gerber Martínez, deron inicio ao V Campionato Intercultural de fútbol 7 Copa da Amizade, que acolle ao longo do día de hoxe o campo municipal de fútbol A Cheda. Esta é a primeira vez que este campionato, que pretende fomentar a convivencia entre todos os veciños e veciñas, independentemente do seu lugar de nacemento, se fai coincidir coas festas do San Froilán.

Nesta ocasión participan sete equipos, doutros tantos países. Hai tamén representación de Rioplatenses (Arxentina e Uruguay), España, Colombia, Brasil, Perú, Marrocos e Israel.