Seleccionadas as mellores ofertas para a instalación de dúas casetas e dous caldeiros do polbo no San Froilán ata o ano 2019
Das 8 propostas rexistradas, Ramiro López presentou a máis alta para a caseta e o caldeiro nº3; Full Solutions Import SL, do Carballiño, para a caseta nº1; e José Miguel Álvarez Rodríguez para o caldeiro nº1
- Tema
- Alcaldía,
- Comercio,
- Poxa de bens mobles e inmobles
A comisión avaliadora do proceso de contratación aberto polo Concello para adxudicar a instalación das dúas casetas e os dous caldeiros do polbo do San Froilán que quedaron vacantes para os anos 2017, 2018 e 2019 reuniuse na mañá deste venres no Edificio Administrativo do Concello para abrir as plicas, 8 en total, e seleccionar as ofertas economicamente máis altas. Ramiro López López fixo a proposta máis elevada para a caseta e o caldeiro número 3 (16.700€ e 10.400€, respectivamente), mentres que a mellor oferta para a caseta 1 foi a de Full Solutions Import SL, unha empresa con domicilio social no Carballiño adicada ao comercio ao por menor de toda clase de artigos, incluíndo alimentación e bebidas, con 36.120€, e para o caldeiro 1, a rexistrada a nome de José Miguel Álvarez Rodríguez, de 22.300€.
Tal e como establecen as bases que rexen este proceso, publicadas no Perfil do Contratante do Concello, na web www.lugo.gal [1], unha vez seleccionadas as ofertas economicamente máis vantaxosas, requiriráselles aos licitadores que presenten estas ofertas para que, dentro do prazo de 10 días hábiles contados dende o seguinte a aquel no que reciban o requirimento, presenten a documentación acreditativa de estar ao corrente no cumprimento das súas obrigas tributarias e de Seguridade Social, e de ter constituída a garantía definitiva que sexa procedente. No requirimento indicarase o importe da garantía que debe prestar (5% do importe anual ofertado). Deberán presentar igualmente a copia do seguro de responsabilidade civil esixido no apartado sexto das bases.
De non cubrirse axeitadamente o requirimento no prazo sinalado, entenderase que o licitador retira a súa oferta, e non se efectuará a adxudicación ao seu favor. Procederase, nese caso, a solicitar a mesma documentación ao licitador seguinte pola orde na que quedaron clasificadas as ofertas.
O órgano competente efectuará a adxudicación dentro dos 5 días hábiles seguintes á recepción da documentación. Unha vez acordada a adxudicación, notificaráselles aos licitadores e, simultaneamente, publicarase no Perfil do Contratante.
Para o ano 2017, poderán iniciar a montaxe o día 11 de setembro e comezar a actividade o día 29 de setembro, e manterse en funcionamento ata o día 1 de novembro.
Os prezos de saída e todas as ofertas presentadas aos caldeiros e casetas número 1 e 3 son os seguintes:
Prezos de saída |
Caseta 1 |
Caseta 3 |
Caldeiro 1 |
Caldeiro 3 |
18.772,79€ |
16.627,33€ |
11.714,22€ |
10.375,46€ |
Licitador |
OFERTA |
OFERTA |
OFERTA |
OFERTA |
1.- Ramiro López López |
|
16.700€ |
|
10.400€ |
2.- Pulperías Aurora e Hijos SL |
23.250€ |
|
13.900€ |
|
3.- José Miguel Álvarez Rodríguez |
31.121€ |
|
22.300€ |
|
4.- Juan Antonio Pazo Baranda |
26.500€ |
|
19.670€ |
|
5 Full Solutions Importe SL |
36.120€ |
|
21.900€ |
|
6.- Aurora Baranda González |
29.800€ |
|
20.001€ |
|
7.- Mª Jesús García Fernández |
33.759€ |
|
22.053€ |
|
8.- Ramudo Import SL |
19.001,11€ |
|
11.888,88€ |
|
Programa das festas
Por outra banda, a Mesa de Contratación reunida tamén esta mañá para abrir as plicas e seleccionar a mellor oferta presentada para a edición e distribución do programa oficial do San Froilán 2017 e a explotación da publicidade comercial, propuxo adxudicar o contrato a Editorial MIC, a única proposta presentada, segundo a que aboará ao Concello 2.600 euros pola explotación publicitaria. O importe mínimo establecido nos pregos é de 2.000 euros.