Rubén Arroxo e Maite Ferreiro presentan unha nova edición do ciclo Primavera é Danza
Maite Ferreiro: "Continuamos a traballar na difusión da danza e das artes do movemento colaborando coa cuarta edición desta programación elaborada polas escolas lucenses".
As distintas escolas realizarán mostras na rúa entre o 22 de abril e o 8 de maio.
O auditorio municipal Gustavo Freire acollerá un espectáculo de fusión de distintos estilos o vindeiro 29 de abril.
3 actividades celebrarán a Semana da Danza entre o 17 e o 25 de abril.
- Tema
- Animación sociocultural,
- Cultura e Turismo,
- Museos e exposicións,
- Programación cultural,
- Xestión cultural
O Tenente de Alcalde do Concello de Lugo, Rubén Arroxo, acompañado pola concelleira de Cultura, Turismo e Promoción da Lingua, Maite Ferreiro, presentaron a cuarta edición do festival de danza "Primavera é danza" organizado polas escolas de Lugo, que un ano máis conta colaboración da Tenencia de Alcaldía a través da área de Cultura. "Renovamos o noso apoio coas escolas de danza para continuar a difundir esta arte e as súas distintas formas, aproveitando as rúas como un gran escenario para as distintas agrupacións", explicou Maite Ferreiro, que presentou a actividade cunha exhibición de danza a cargo do colectivo Glovo.
O festival celebrarase entre o 22 de abril e o 8 de maio, coas distintas escolas realizando exhibicións no fondo da praza Maior, e un ano máis haberá un gran un espectáculo de fusión de distintos estilos que terá lugar no Auditorio Municipal Gustavo Freire o 29 de abril a partir das 20:00.
Ferreiro afirmou que con esta iniciativa a Tenencia de Alcaldía continúa a apoiar á danza "aumentando a nosa aposta, despois de contar cunha programación estable de danza ao longo de todo o ano".
Datas danza na rúa (fondo da praza Maior, en caso de choiva, soto da Praza de Abastos)
- Oxeito, 22 de abril 17:00
- Victoria Gil Danza & Escena, 23 de abril 18:30
- Gravitty, 26 abril 16:30
- Magie Dance, 6 de maio ás 17:00
- Star Dance, 8 de maio 17:00
Semana da Danza
Ferreiro deu conta tamén das actividades ortanizadas pola Tenencia de Alcaldía pola semana da danza. 3 exhibicións "que se unen á intensa programación das escolas de Lugo", explicou a edil. A programación comezará o 17 abril cunha nova edición do "Encontro de danza da USC", que terá lugar no Auditorio Fuxan os Ventos a partir das 20.30h. Na xornada do 24 abril o Auditorio Municipal Gustavo Freire acollerá o Concurso Coreográfico 2026 a partir das 20h. Por último, na xornada do 25 de abril celebrarase o XII Encontro de centros de danza 2026 a partir das 19.30h no Auditorio Municipal Gustavo Freire. Todas as actividades serán gratuítas máis será preciso retirar entrada no portal entradaslugo.es [1].